| e-texts navigator |
| Wylie |
20a1 བ་དང་། འདུག་པ་མ་མཆིས་ཏེ། དེ་ལྟ་བུར་འདུག་པའི་སེམས་ནི་སྐྱེ་བ་དང་། འདུག་པ་མ་མཆིས་ལགས་སོ།། བཙུན་པ་སེམས་ལ་སྐྱེ་བ་སྤྱོད་པ་མ
20a2 མཆིས་པ་ནི་བསམ་གྱིས་མི་ཁྱབ་བོ། ། བསམ་གྱིས་མི་ཁྱབ་པའི་ནང་ནི་བཤད་ཀྱིས་མི་ལང་ངོ་།། སངས་རྒྱས་ཀྱིས་གསུངས་པ། དེ་ཡིན་ནོ།། དེ་ཡིན་ནོ།། སེམས་ཀྱི་རྒྱལ
20a3 པོ་བྱང་ཆུབ་སེམས་དཔས་ཚིག་ལྟ་ཐོས་ནས་ཡོད་མ་མྱོང་ཞེས་བསྟོད་དེ། ཚིགས་སུ་བཅད་པ་བཤད་པ། ཡེ་ཤེས་ཆེན་པོ་གང་རྒྱས་བཙུན།། སྐྱེ་བ་སྤྱོད་ཆོས་རྒྱ་ཆེར་བཤད།།
20a4 ཐོས་མ་མྱོང་བ་ཐོས་པར་བགྱིས།། མ་བཤད་པ་ནི་ད་བཤད་དོ།། དཔེ་རུ་ཟིལ་ངར་གཙང་མ་བཞིན།། བར་བར་གདོད་ཅིང་ལན་འགའ་འབྱུང་།། ཕྲད་པར་དཀའ་ཞིང
20a5 བསམ་པར་དཀའ། ཐོས་པར་ཡང་ནི་ཤིན་ཏུ་དཀའ།། བླ་ན་མེད་པའི་དཔལ་ཞིང་གཤིན།། ནང་གི་མཆོག་གི་དམ་པ་སྨན།། སེམས་ཅན་རྣམས་ཀུན་བསྒྲལ་བའི་ཕྱིར།
20a6 དེ་ནི་ཀུན་ཀྱང་སྒྲོལ་བཤད་དོ།། དེ་ནས་ཕལ་མང་པོའི་ནང་དུ་དེ་སྐད་བཤད་པ་ཐོས་ནས། ཀུན་གྱིས་སྐྱེ་བ་མེད་པ་དང་། མ་སྐྱེས་པའི་ཤེས་རབ་ཐོབ་བོ།། རྡོ་རྗེའི་ཏིང
20a7 ངེ་འཛིན་གྱི་ཆོས་ཀྱི་ཡི་གེ་ལེའུ་བཞི་སྟེ། ཕྱི་མོའི་ཚོར་བའི་ཕན་བསོད་ཀྱི་ལེའུའོ།། །། དེའི་ཚེ་ཆགས་མེད་བྱང་ཆུབ་སེམས་དཔས་སངས་རྒྱས་ཀྱི་རོ་གཅིག་གི
iiif viewer powered by OpenSeadragon
