| e-texts navigator |
| Wylie |
18b1 སྟེ་མཐོང་བ་ཡང་མ་མཆིས། ཐོས་པ་ཡང་མ་མཆིས། སྟོར་བ་ཡང་མ་མཆིས། བཏང་བ་ཡང་མ་མཆིས་ན། ཇི་ལྟ་བུར་རིག་པ་བླང་ཞེས་བགྱི། རིག་ཏུ་ལགས་ན། དེ་ནི་རྩོད་ཅིང་བརྗོད་པའོ།།
18b2 རྩོད་པ་མ་མཆིས། བརྗོད་པ་མ་མཆིས་ན། གདོད་སྐྱེ་བ་སྤྱོད་པ་མ་མཆིས་སོ།། སངས་རྒྱས་ཀྱིས་གསུངས་པ། ཁྱོད་ཀྱིས་བླ་ན་མེད་པའི་གཡུང་དྲུང་རྫོགས་པའི་བྱང་ཆུབ་ཐོབ་བམ།། སེམས
18b3 ཀྱི་རྒྱལ་པོ་བྱང་ཆུབ་སེམས་དྲཔས་གསོལ་པ། བདག་གིས་བླ་ན་མེད་པའི་གཡུང་དྲུང་རྫོགས་པའི་བྱང་ཆུབ་མ་ཐོབ་བོ།། ཅིའི་ཕྱིར་ཞེས་བགྱི་ན། བྱང་ཆུབ་ཀྱི་ངོ་བོ་ཉིད་ཀྱི་ནང་ན་ཐོབ་ཡང་མ
18b4 མཆིས། སྟོར་བ་ཡང་མ་མཆིས། ཚོར་བ་ཡང་མ་མཆིས། ཤེས་པ་ཡང་མ་མཆིས། རྣམ་པར་བརྟགས་པ་ཡང་མ་མཆིས་ཏེ། རྣམ་པར་བརྟགས་པ་མ་མཆིས་པའི་ནང་ན་གཙང་དག་པའི་ངོ་བོ
18b5 ཉིད་དོ། ། ངོ་བོ་ཉིད་ལ་ནི་བར་ཆད་ཀྱང་མ་མཆིས། འདྲེས་པ་ཡངས་མཆིས། ཚིག་གིས་བཤད་པ་ཡང་མ་མཆིས། ཡོད་པ་ཡང་མ་མཆིས། མེད་པ་ཡང་མཆིས། ཤེས་པ་ཡང་མ་མཆིས། མི་ཤེས
18b6 པ་ཡང་མ་མཆིས་ཏེ། སྤྱད་དུ་རུང་བའི་ཆོས་རྣམས་ཀྱང་མ་མཆིས་ན། ཅིའི་ཕྱིར་ཞེས་བགྱིས་ན། ཆོས་སྤྱད་དོ་ཅོག་ནི་གནས་མལ་མི་མཐོང་ངོ་།། ངོ་བོ་ཉིད་ཡང་དག་པར་མི་འགྱུར་བས། ཕྱི་མོ་ནས
18b7 ཐོབ་པ་དང་། མི་ཐོབ་པ་མ་མཆིས་ན། ཇི་ལྟ་བུར་བླ་ན་མེད་པའི་གཡུང་དྲུང་རྫོགས་པའི་བྱང་ཆུབ་ཐོབ་བམ་ཞེས་བགྱི། སངས་རྒྱས་ཀྱིས་གསུངས་པ། དེ་ཡིན་ནོ།། དེ་ཡིན་ནོ།། ཁྱོད་ཟེར
iiif viewer powered by OpenSeadragon
