| e-texts navigator |
| Wylie |
18a1 གནས་ན་འདུག་པས། འདུག་པའི་གནས་སུ་མི་མཐོང་སྟེ། ངོ་བོ་ཉིད་ཡང་དག་པར་མི་འགྱུར་བས། ཡང་དག་པར་མི་འགྱུར་བའི་ངོ་བོ་ཉིད་ནི་གཅིག་ཀྱང་མི་གཅིག། ཐ་དད་མི
18a2 དང་། མི་རྟག་མི་ཆད། མི་ཞུགས་མི་འབྱུང་།། མི་སྐྱེ་མི་ཤི་སྟེ། སྐུར་བ་དང་ཞི་བ་དང་བྲལ་ལ། སྨྲ་བའི་ཚིག་གི་ལམ་བཅད་དོ།། སྐྱེ་བ་མེད་པའི་སེམས་ཀྱི་ངོ་བོ་ཉིད་ཀྱང་དེ་དང་མཚུངས་ན། ཇི་ལྟ།
18a3 བུར་སྐྱེ་བ་མེད་སྐྱེ་བ་དང་། མནགས་པ་ཡོད་པ་དང་། མ་ནགས་པ་མེད་པ་བཤད་ན། ལ་ལ་ཞིག་སེམས་ལ་ཐོབ་པ་ཡོད། གནས་དང་གཏོང་བ་ཡོད་ཅེས་བཤད་ན། དེས་ནི་བླ་ན་མེད་པའི
18a4 གཡུང་དྲུང་རྫོགས་པའི་ཤེས་རབ་མི་ཐོབ་སྟེ། དེ་ནི་ཁོར་པོར་མཚན་མོ་སེམས་ཀྱི་ངོ་བོ་ཉིད་མངོན་པར་བྱེ་བྲག་ཕྱེད་ལ། སེམས་ཀྱི་ངོ་བོ་ཉིད་དེ་ལྟར་ཡིན་པར་རིག་ན། ངོ་བོ་ཉིད་ཀྱང
18a5 དེ་དང་མཚུངས་ཏེ། སྐྱེ་བ་སྤྱོད་པ་མེད་དོ།། སེམས་ཀྱི་རྒྱལ་པོ་བྱང་ཆུབ་སེམས་དཔས་གསོལ་པ། བཙུན་པ་སེམས་ཕྱི་ནས་མི་གཡོན། སྤྱོད་པ་སྐྱེ་བ་མ་མཆིས་སོ།། སྤྱོད་པ་རྣམ
18a6 མི་སྐྱེ་ན། སྐྱེ་བ་མི་སྤྱོད་མི་སྐྱེའོ།། སྤྱོད་པ་མེད་པ་ཡང་མི་སྐྱེ་ན། གདོད་སྐྱེ་བ་མེད་པ་མེད་དོ།། སངས་རྒྱས་ཀྱིས་གསུངས་པ། ཕོ་དགེ་བ་ཁྱོད་ཀྱིས་སྐྱེ་བ་མེད་པ་སྤྱད་ན། སྐྱེ་བ་མེད
18a7 པ་སྤྱད་པར་རིག་གམ། སེམས་ཀྱི་རྒྱལ་པོ་བྱང་ཆུབ་སེམས་དཔས་གསོལ་པ། མ་ལགས་སོ།། ཇི་ལྟར་ཞེ་ན། སྐྱེ་བ་སྤྱོད་པ་མ་མཆིས་ན། ངོ་བོ་ཉིད་ཀྱི་མཚན་མོ་སྟོང་ཞིང་མི་གཡོ
iiif viewer powered by OpenSeadragon
