| e-texts navigator |
| Wylie |
15b1 རྣམས་མི་གཡོ་བས་ཕ་རོལ་ཏུ་ཕྱིན་པ་དྲུག་དང་ལྡན་ནོ། ། གྲོལ་ཐར་བྱང་ཆུབ་སེམས་དཔས། སངས་རྒྱས་ལ་གསོལ་བ། བཙུན་པ་ཕ་རོལ་ཏུ་ཕྱིན་པ་དྲུག་ནི་ཀུན་ཀྱང་མཚན་མ་མཆིས་པ་ལག།
15b2 ན། མཚན་མ་མཆིས་པའི་ཆོས་ཀྱིས་འཇིག་རྟེན་ལས་ཕྱིན་པར་ནུས་ལགས་མ། སངས་རྒྱས་ཀྱིས་གསུངས་པ། པོ་དགེ་བ་ངས་བཤད་པའི་ཕ་རོལ་ཏུ་ཕྱིན་པ་དྲུག་ནི་མཚན་མ་ཡང་མེད།
15b3 བྱ་བ་ཡང་མེད་དོ།། དེ་ཅིའི་ཕྱིར་ཞེ་ན། འདོད་དང་བྲལ་བར་འཇུག་པ་མཁས་པས། སེམས་རྟགས་པར་གཙང་དག་སྟེ། བདེན་པའི་ཚིག་གི་ཐབས་སྤྱད་པས། བདག་ལ་ཡང་ངན།
15b4 གཞན་ལ་ཡང་ཕན་ཏེ། དེ་ནི་སྦྱིན་པའི་ཕ་རོལ་ཏུ་ཕྱིན་པ་ཡིན་ནོ།། སེམས་དག་པ་ནས་སྲན་ཐུབ་ཅིང་སེམས་རྟག་པར་གནས་པ་མེད་ལ། གཙང་གདང་ལ་གོས་པ་མེད་ཅིང་། ཁམས
15b5 གསུམ་ལ་མ་ཆགས་ན། དེ་ནི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡིན་ནོ།། སྟོང་པ་སྤྱད་དེ་མདུད་པ་བཅད་ལ་ཡོད་པ་རྣམས་ལ་མི་རྟེན་ན་ལས་སུམ་སྟོང་མི་གཡོའི་སྟེ། ལུས་དང་སེམས་ལ
15b6 ཡང་མི་ཆགས་ན། དེ་ནི་བཟོད་པའི་ཕ་རོལ་ཏུ་ཕྱིན་པ་ཡིན་ནོ།། མིང་གིས་བགྲང་བ་ཡོངས་སུ་བྲལ་ལ། སྟོང་པ་དང་ཡོད་པར་མཐོང་བ་བཅད་དེ། ཕུང་པོའི་སྟོང་པར་རབ་ཏུ་ཞུགས་པ
15b7 དེ་ནི། བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡིན་ནོ།། སྟོང་པ་དང་མི་གཡོ་བ་གཉིས་ཁ་དོག་དང་བྲལ་ལ། སྟོང་པའོ་ཅོག་ལ་མ་ཆགས་ཏེ། སེམས་འདུག་པ་མེད་པའི་སྟོང་པ་ཆེན་པོ
iiif viewer powered by OpenSeadragon
