| e-texts navigator |
| Wylie |
14b1 བྱང་ཆུབ་སེམས་དཔའི་ཆོས་གཙང་མ་ལྔར་ཞུགས་ན། སེམས་ལ་མི་བདེན་པ་མེད་དོ།། མི་བདེན་པ་མེད་ན་གདོད་ཡང་དག་པར་གཤེགས་པའི་རང་གིས་ཚོར་བའི་འཕགས་པའི་ཡེ་ཤེས
14b2 ཀྱི་སར་ཆུད་དོ། ། ཡེ་ཤེས་ཀྱི་སར་ཆུད་པ་ནི་ཐམས་ཅད་ཕྱི་མོ་ནས་མི་སྐྱེ་བར་མཁས་པར་རིག་པར་བྱ་སྟེ། ཕྱི་མོ་ནས་མི་སྐྱེ་བར་རིག་ན། གདོད་མི་བདེན་པའི་སེམས་མེད་དོ།། གྲོལ་ཐར་བྱང
14b3 ཆུབ་སེམས་དཔས། སངས་རྒྱས་ལ་གསོལ་པ། བཙུན་པ་མི་བདེན་པའི་སེམས་ཅན་མ་མཆིས་ན། གཏང་ཞིག་དགག་པའི་ཡང་མ་མཆིས་པའི་རིགས་སོ།། སངས་རྒྱས་ཀྱིས་གསུངས
14b4 པའི་བྱང་ཆུབ་སེམས་དཔའ་མི་བདེན་པའི་ཕྱི་མོ་ནས་མི་སྐྱེ་ན། མི་བདེན་པ་དཔག་ཏུ་མེད་དོ།། སེམས་ལ་སེམས་མེད་པར་རིག་ན། སེམས་བཏང་དུ་མེད་དོ།། བྱེ་བྲག་མེད། དབྱེ་བ་མེད
14b5 ན། འཕྲལ་གྱི་རྣམ་པར་ཤེས་པ་སྐྱེ་བ་མེད་པས་སྐྱེ་བ་བཏང་དུ་མེད་དོ།། དེ་ནི་བཏང་དུ་མེད་པ་ཡིན་ཏེ། མེད་པ་ཡང་མེད་དོ།། ཅིའི་ཕྱིར་ཞེ་ན། བཏང་བ་དང་། བཏང་བ་མེད་པའི་ཕྱིར་རོ།།
14b6 གྲོལ་བར་བྱང་ཆུབ་སེམས་དཔས།། སངས་རྒྱས་ལ་གསོལ་པ། བཙུན་པ་བཏང་བ་མེད་པའི་བཏང་བ་དེ་ཉིད་ཀྱང་སྐྱེ་བ་ལགས་ན། ཇི་ལྟར་ན་སྐྱེ་བ་མ་མཆིས་ཞེས་བགྱི། སངས་རྒྱས་ཀྱིས
14b7 གསུངས་པ། བྱང་ཆུབ་སེམས་དཔས་སྐྱེ་བ་དེ་བཏང་ན། བཏང་ཟིན་པ་དང་། བཏང་བ་ཡང་མེད་དེ། བཏང་བ་མེད་པ་ལ་ཡང་མི་ཆགས་པ། ཆགས་པ་མེད་པ་ཡང་མི་ཆགས་ན། ཇི་ལྟ
iiif viewer powered by OpenSeadragon
