| e-texts navigator |
| Wylie |
13b1 ཐོབ་སྟེ། མི་འགྱུར་བའི་ངོ་བོ་ཉིད་དུ་ཞུགས་ནས། མི་འགྱུར་བ་ལ་སྐྱེ་བ་མེད་དོ།། གྲོལ་ཐར་བྱང་ཆུབ་སེམས་དཔས། སངས་རྒྱས་ལ་གསོལ་པ། བཙུན་པ་སེམས་ཅན་དེ་དག་གར་སྐྱེ་བ་མ
13b2 མཆིས་པ་ལ་གནས་པར་བགྱིས་ན། དེའི་སྐྱེ་བ་མ་མཆིས་པ་ལགས་སམ། སངས་རྒྱས་ཀྱིས་བཀའ་སྩལ་པ། སྐྱེ་བ་མེད་པ་གནས་པ་ཉིད་ནི་སྐྱེ་བ་ཡིན་ནོ།། དེ་ཅིའི་ཕྱིར་ཞེ་ན། གནས་པ་ཡང
13b3 མེད། སྐྱེ་བ་ཡང་མེད་ན། གདོད་སྐྱེ་བ་མེད་དེ་ཡིན་ནོ།། བྱང་ཆུབ་སེམས་དཔའ་སྐྱེ་བ་དང་། སྐྱེ་བ་མེད་པ་སྐྱེ་བ་སྤྱད་པས་སྐྱེ་བའི་སེམས་བསལ་ཏོ།། སྐྱེ་བ་དང་ཞི་བར་ཅིག་ཚད་བསལ་ན
13b4 ངསྐྱེ་བའི་ཕྱི་མོ་མི་སྐྱེ་སྟེ། སེམས་རྟག་པར་སྟོང་ཞིང་མི་གཡོའོ།། སྟོང་ཞིང་མི་གཡོ་བ་ལ་ཆག་པ་མེད་ན། སེམས་ལ་ཆགས་པ་མེད་དེ། གདོད་སྐྱེ་བ་མེད་པ་ཡིན་ནོ།། གྲོལ་ཐར་བྱང་ཆུབ
13b5 སེམས་དཔས་ཡང་སངས་རྒྱས་ལ་གསོལ་པ། བཙུན་པ་སེམས་ལ་ཆགས་པ་མེད་ན་བསླབ་ཅིང་སྤང་བ་ཅི་མཆིས། འོན་ཀྱང་བསླབ་པ་ཅི་མཆིས་སམ། སངས་རྒྱས་ཀྱིས་བཀའ་སྩལ་པ། བྱང
13b6 ཆུབ་སེམས་དཔའ་སྐྱེ་བ་མེད་པའི་སེམས་ལས་བྱུང་བ་དང་། འཇུག་པའི་སེམས་མེད་དེ། ཕྱི་མོ་ཡང་དག་པར་གཤེགས་པའི་མཛོད་དེ་ང་བ་ཉིད་སྟོང་ཞིང་མི་གཡོ་བས་བསླབ་པ་ཡོད་པ་ཡང་མ་ཡིན།
13b7 བསླབ་པ་མེད་པ་ཡང་མ་ཡིན་ནོ།། བསླབ་པ་ཡོད་པ་དང་། བསླབ་པ་མེད་པ་དང་། མེད་པའང་མེད་ན། དེ་ནི་བསླབ་པ་ཡང་མེད་པའོ།། བསླབ་པ་མེད་པ་ཡང་མ་ཡིན་པ་དེ་ནི་མིང་བསླབ་པའོ།།
iiif viewer powered by OpenSeadragon
