| e-texts navigator |
| Wylie |
13a1 གྲོལ་ཐར་པས། སངས་རྒྱས་ལ་གསོལ་བ། བཙུན་པ་སེམས་ཅན་ཐམས་ཅད་ལ་ང་ཡོད་པ་དང་། སེམས་ཡོད་པ་ཆོས་གང་སྤྱད་པས་ཚོར་ཏེ། སེམས་ཅན་དེ་དག་བཅིངས་པ
13a2 འདི་ལས་འབྱུང་ཞིང་འབྲལ་བར་བགྱི། སངས་རྒྱས་ཀྱིས་གསུངས་པ། ཕོ་དགེ་བ་ང་ཡོད་པ་ནི་རྒྱུ་རྐྱེན་བཅུ་གཉིས་ལ་བརྟག་ཏུ་བཅུག་ན། རྒྱུ་རྐྱེན་བཅུ་གཉིས་ནི་ཐོག་མ་རྒྱུ་དང་འབྲས་བུ་ལས
13a3 བྱུང་ངོ་། ། རྒྱུ་དང་འབྲས་བུའི་གཡོ་བ་ནི་སེམས་ཀྱི་སྤྱོད་པ་ལས་ལངས་ཏེ། སེམས་ཀྱང་མེད་ན། ལུས་མེད་པ་ལྟ་སྨོས་ཀྱང་ཅི་དགོས། ང་ཡོད་ན་ནི་མཐོང་བ་ཡོད་པ་ཡང་ཞི་བར་བྱའོ།།
13a4 མེད་ན་ནི་མཐོང་བ་མེད་པ་ཡང་ཞི་བར་བྱའོ།། སེམས་སྐྱེས་ན་ནི་ཞི་བའི་རང་བཞིན་ཡང་ཞི་བར་བྱའོ།། སེམས་ཞི་ན་ནི་སྐྱེ་བའི་རང་བཞིན་ཡང་ཞི་བར་བྱའོ།། མཐོང་བའི་རང་བཞིན་དེ་ཞི་ན
13a5 གདོད་ཡང་དག་པའི་དབྱིངས་སུ་ཞུགས་སོ། ། ཅིའི་ཕྱིར་ཞེ་ན། ཕྱི་མོ་ནས་སྐྱེ་བ་མ་ཞིའོ།། མ་ཞི་མ་སྐྱེས་ན་མི་སྐྱེ་མི་ཞི་སྟེ། ཆོས་སོ་ཅོག་ཀྱང་དེ་བཞིན་ནོ།། གྲོལ་ཐར་བྱང་ཆུབ་སེམས
13a6 དཔས། ཡང་སངས་རྒྱས་ལ་གསོལ་བ། བཙུན་པ་སེམས་ཅན་ལ་ལས་ཆོས་སྐྱེ་བར་མཐོང་བའི་ཚེ། མཐོང་བ་གང་ཞི་བར་བགྱིད། སངས་རྒྱས་ཀྱིས་བཀའ་སྩལ་པ། བཙུན་པ་བྱང་ཆུབ་སེམས
13a7 དཔའ་ལ་ལས་ཆོས་སྐྱེ་བར་མཐོང་བའི་ཚེ། ཡོད་པར་མཐོང་བ་ཡང་ཞི་བར་བྱའོ།། ཆོས་ཞི་བར་བྱ་བ་མཐོང་བའི་ཚེ། ཡོད་པར་མཐོང་ཡང་ཞི་བར་བྱའོ།། མཐོང་བཞིན་མེད་པ་ཡང་དག་པའི་ཆོས
iiif viewer powered by OpenSeadragon
