| e-texts navigator |
| Wylie |
12b1 དོ་སྐྱེས་བུ་ཕོ་དགེ་བ་སེམས་ཅན་ལ་སྟོན་སློབ་པ་ནི་སྟོན་པའི་སེམས་སྐྱེ་བ་ཡང་མེད། མི་སྟོན་པའི་སེམས་སྐྱེ་བ་ཡང་མེད་ན། དེ་ནི་སྟོན་པ་ཆེན་པོ་ཞེས་བྱ་སྟེ། དེ་ནི་སེམས་ཅན་ཀུན་པའི
12b2 སེམས་དང་བྲལ་བའོ། ། ངའི་སེམས་ཅན་ཐམས་ཅད་ཕྱི་མོ་ནས་སྟོང་པ་མི་གཡོ་བ་སྟེ། སྟོང་པའི་སེམས་ཐོབ་ནས། སེམས་སྒྱུ་མར་སྤྲུལ་པ་མེད་དོ།། སྒྱུ་མ་ཡང་མེད་དོ།། སྤྲུལ་པ་ཡང་མེད
12b3 ན། གདོད་སྐྱེ་བ་མེད་པ་ཐོབ་བོ།། སྐྱེ་བ་མེད་པའི་སེམས་ནི་སྤྲུལ་པ་མེད་པ་གནས་སོ།། གྲོལ་ཐར་བྱང་ཆུབ་སེམས་དཔའ་གྲོལ་ཐར་པས། སངས་རྒྱས་ལ་གསོལ་པ། བཙུན་པ་སེམས་ཅན་གྱི
12b4 སེམས་ཀྱི་ངོ་བོ་ཉིད་ཕྱི་མོ་ནས་སྟོང་ཞིང་མི་གཡོའོ། ། སྟོང་ཞིང་མི་གཡོ་བའི་སེམས་ནི་ཡིད་ལ་གཟུགས་དང་མཚན་མ་མཆིས་ན། ཇི་ལྟར་སྤྱང་སྦྱངས་ན། ཕྱི་མོའི་སེམས་སྟོང་པ་ཐོབ་པར་རུང་བ
12b5 སངས་རྒྱས་ཀྱི་བྱམས་པའི་ཐུགས་དང་བདག་ལ་དགྲོལ་ཅིང་བཤད་པ་སྟོན་ཏོ། ། སངས་རྒྱས་ཀྱིས་གསུངས་པ། བྱང་ཆུབ་སེམས་དཔའ་སེམས་སོ་ཅོག་གི་མཚན་མ་ནི་ཕྱི་མོ་ནས་ཕྱི་མོ་མེད་དོ།།
12b6 ཕྱི་མོ་ནས་ཕྱི་མོའི་གནས་མེད་དེ། སྟོང་ཞིང་མི་གཡོ་ལ་སྐྱེ་བ་མེད་དོ།། སེམས་ལ་སྐྱེ་བ་མེད་ན། གདོད་སྟོང་པ་མི་གཡོ་བར་ཞུགས་པའོ།། སྟོང་པ་མི་གཡོ་བའི་སེམས་ཀྱིས་ན་མོད་བཞིན
12b7 སེམས་སྟོང་པ་ཐོབ་བོ། ། ཕོ་དགེ་བ་མཚན་མ་མེད་པའི་སེམས་ལ་ནི་སེམས་ཀྱང་མོད། ང་ཡང་མེད། ཆོས་སོ་ཅོག་གི་མཚན་མ་ནི་དེ་དང་མཚུངས་སོ།། གྲོལ་ཐར་བྱང་ཆུབ་སེམས་དཔའ
iiif viewer powered by OpenSeadragon
