| e-texts navigator |
| Wylie |
12a1 གཉིས་མཐོང་བ་དང་། ཤེས་པའི་གནས་མ་ཡིན་ནོ།། སངས་རྒྱས་དང་། བྱང་ཆུབ་སེམས་དཔའ་འབའ་ཞིག་ཤེས་པར་ནུས་སོ།། སེམས་ཅན་སྦྲུལ་དུ་རུང་བ་རྣམས
12a2 ལ་རོ་གཅིག་པུ་བཤད་དོ། ། དེའི་ཚེ་གྲོལ་ཐར་བྱང་ཆུབ་སེམས་དཔའ་འདུག་པ་ལས་ལངས་ནས་ཐལ་མོ་སྦྱར། པུས་མོ་བཙུགས་ཏེ་སངས་རྒྱས་ལ་གསོལ་པ། བཙུན་པ་སངས་རྒྱས་འདས
12a3 ཏེ་གཤེགས་པའི་སླད་ན། དྲང་པོའི་ཆོས་ནི་འཇིག་རྟེན་ནས་འདས། གཟུགས་ཀྱི་ནི་ཆོས་འཇིག་རྟེན་ན་སྤྱོད་དེ། བསྐལ་པ་ཐ་མའི་ཚེ་རྙོག་པ་ལྔའི་སེམས་ཅན་ངན་པའི་ལས་རྣམས་མང་པོས་ཁམས
12a4 གསུམ་ལ་འཁོར་ལོ་བཞིན་དུ་བསྐོར་ཏེ། འབྱུང་བའི་དུས་མ་མཆིས་པའི་ཚེ། སངས་རྒྱས་བྱམས་པའི་ཐུགས་རྗེས། སེམས་ཅན་ཕྱི་མའི་སླད་དུ་མི་འགྱུར་བ་ཡང་དག་པའི་བདེན་པའི་ཆོས་ཀྱི
12a5 རོ་གཅིག་པ་བཤད་དེ། སེམས་ཅན་དེ་དག་ལ་སོགས་པ་འཐུན་པར་གྲོལ་ཐར་པར་བགྱིར་སྨོན་ནོ།། སངས་རྒྱས་ཀྱིས་གསུངས་པ། ཕོ་སྐྱེ་བུ་དགེ་བ་ཁྱོད་ང་ལ་འཇིག་རྟེན་ནས་འབྱུང་བའི
12a6 རྒྱུ་འདྲི་བ་མཁས་ཏེ། སེམས་ཅན་ལ་བསྟན་ལ། སེམས་ཅན་དེ་དག་འཇིག་རྟེན་ལས་བྱུང་བའི་འབྲས་བུ་ཐོབ་པར་བྱ་བ་དོན་ཆེན་གཅིག་ཡིན་ཏེ། བསམ་གྱིས་མི་ཁྱབ་བོ།། བྱམས་པ་ཆེན་པོ
12a7 སྤྱད། སྙིང་རྗེ་ཆེན་པོ་སྤྱད་པའི་ཕྱིར་ངས་མ་བཤད་ན། སེར་སྣ་དང་བརྐམ་པའི་ནང་དུ་ལྟུང་ངོ་།། ཁྱེད་ལ་སོགས་པ་སེམས་གཅིག་ཏུ་བརྟགས་པར་ཉོན་ཅིག་དང་། ཁྱེད་ལ་སྒྲོལ་ཅིང་བཤད
iiif viewer powered by OpenSeadragon
