| e-texts navigator |
| Wylie |
10a1 བུ་ཆོས་ཐམས་ཅད་ནི་རང་བཞིན་གྱིས་རྣམ་པར་དག་པ་ལ་བསླབ་པར་བྱའོ། ། གཟུགས་ལ་སོགས་པའི་ཆོས་ཐམས་ཅད་ཀྱང་རང་བཞིན་གྱིས་སྟོང་པར་ཤེ
10a2 པར་བྱའོ། ། ངོ་བོ་ཉིད་ཀྱིས་དབེན་པར་ཤེས་པར་བྱའོ།། རིགས་ཀྱི་བུ་གང་དག་གིས་ཤེས་རབ་ཀྱི་ཕ་རོལ་ཏུ་ཕྱིན་པའི་མདོ་འདི་འཛིན་པར་བྱེད་ན། དེ་ལས་ཀྱི་སྒྲིབ་པ་བྱང་བར
10a3 འགྱུར་རོ། ། དེ་བསོད་ནམས་ཀྱི་ཚོགས་སྐྱེ་བར་འགྱུར་རོ།། ཤེས་རབ་ཀྱི་ཚོགས་ཚད་མེད་པར་འགྱུར་རོ།། དྲན་པ་དང་ལྡན་པ་དང་། ཚུལ་ཁྲིམས་དང་ལྡན་པར་འགྱུར
10a4 རོ། རིགས་ཀྱི་བུ་གཞན་ཡང་བྱང་ཆུབ་སེམས་དཔའ་རྣམས་ཀྱིས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་པར་བྱའོ།། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ
10a5 བཅད་པ་འདི་གསུངས་སོ། ། མང་ཐོས་དམ་པའི་ཆོས་ལ་བརྩོན།། སེམས་ཅན་ཀུན་ལ་བྱམས་པར་ལྡན།། བརྩོན་འགྲུས་གོ་ཆ་ཕུན་སུམ་ཚོགས།། བདག་དང་གཞན
10a6 གྱི་དོན་ལ་མོས། ། གཏན་དུ་ཏིང་འཛིན་སྒོམ་ལ་བརྩོན།། བདག་དང་སེམས་ཅན་འདུ་ཤེས་མེད།། ཡང་དག་ཐེག་ཆེན་ལམ་དུ་ཞུགས།། སྔོན་གྱི་རྒྱལ་སྲས་དེ་ལྟར་སྤྱོད།། བཅོམ་ལྡན་འདས
10a7 ཀྱིས་དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའ་ཉི་མ་རབ་ཏུ་སྣང་བ་དང་། ལྷ་དང་མིར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར
iiif viewer powered by OpenSeadragon
