| e-texts navigator |
| Wylie |
363b1 ། སུ་དྲན་པར་བྱས་ན། འཇིགས་པ་འམ། བག་ཚ་བའམ། སྤུ་ཟིང་ཞེས་བྱེད་པ་འབྱུང་བར་འགྱུར་བ་གང་ཡིན་པ་དེ་མེད་པར་འགྱུར་རོ།། དེ་ནས་ཡངས་པ་ཅན་གྱི་ཚོང་པ་རབ་ཏུ་མང་པོ་དག་གི
363b2 སངས་རྒྱས་ལ་སོགས་པ་དགེ་སློང་གི་དགེ་འདུན་བདེ་བར་བཞུགས་པར་རིག་ནས། རང་རང་གི་ལག་ནས་བཟའ་བ་དང་། བཅའ་བ་གཙང་ཞིང་བསོད་པ་དག་ལེགས་པར་བསྟབས་ཤིང་ཡང་དག་པར
363b3 ཚིམ་པར་བྱས་སོ། ། རྣམ་གྲངས་དུ་མར་རང་རང་གི་ལག་ནས་བཟའ་བ་དང་། བཅའ་བ་གཙང་ཞིང་བསོད་པ་དག་ལེགས་པར་བསྟབས་ཤིང་ཡང་དག་པར་ཚིམ་པར་བྱས་ནས། བཅོམ་ལྡན་འདས
363b4 གདུགས་ཚོད་གསོལ་ཅིང་ལྷུང་བཟེད་བཞག་སྟེ། ཕྱག་བཅབས་པར་རིག་ནས། སྟན་ཤིན་ཏུ་དམའ་བ་དག་བླངས་ཏེ་ཆོས་མཉན་པའི་ཕྱིར་བཅོམ་ལྡན་འདས་ཀྱི་སྤྱན་སྔར་འཁོད་དོ།།
363b5 དེ་ནས་བཅོམ་ལྡན་འདས་ཀྱིས་ཡངས་པ་ཅན་གྱི་ཚོང་པ་རབ་ཏུ་ནང་པོ་དག་གི་སྦྱིན་པ་དེ་ལ་རྗེས་སུ་ཡི་རང་བར་མཛད་དོ།། ཚོང་པ་ཟས་དང་སྐོམ་དག་གིས།། དགེ་སློང་དགེ་འདུན་བཤོས་གསོལ་པ།
363b6 རབ་ཏུ་ཤེས་ནས་གཏོང་བ་ཡི།། བློ་ལྡན་འཕགས་པ་གང་བྱེད་བཞིན།། སྦྱིན་པ་བདེ་ལེགས་བརྗོད་པ་འདི།། ཚོང་པ་ཁྱེད་ཀྱིས་བྱིན་པས་ན།། ཁྱེད་ཅག་དོན་གང་ལེགས་འདོད་པའི།
363b7 ཁྱེད་ཀྱི་དོན་དེ་རྟག་གྲུབ་ཤོག། ཁྱེད་ཀྱི་རྐང་གཉིས་བདེ་ལེགས་ཤིང་།། ཁྱེད་ཀྱི་རྐང་བཞི་བདེ་ལེགས་ཤོག། ཁྱེད་ཅག་ལམ་ཞུགས་བདེ་ལེགས་ཤིང་།། ཕྱིར་ལྡོག་པ་ཡང་བདེ་ལེགས
iiif viewer powered by OpenSeadragon
