| e-texts navigator |
| Wylie |
325a1 བ་བཞིན་དུ་འཁོར།། སྡུག་བསྔལ་གནས་ཅན་འཁོར་བ་འདིར།། ཡང་དང་ཡང་དུ་འཁོར་བར་འགྱུར།། ཇི་ལྟར་ཉི་མ་ཐ་བ་དག། སླར་ཡང་འོང་ཞིང་འགྲོ་བར་བྱེད།
325a2 བཞིན་སྲིད་པར་འཕོ་བ་ན།། སླར་ཡང་འོང་དང་འགྲོ་བར་འགྱུར།། འཁོར་བ་ཐམས་ཅད་མི་རྟག་ཅིང་།། མི་བརྟན་སྐད་ཅིག་འཇིག་པ་ཉིད།། དེ་བས་དོན་དམ་ཤེས་པ་ཡིས།། ཀུན་རྫོབ
325a3 བདེན་པའི་གནས་སྤང་ངོ་། ། མཐོ་རིགས་གནས་ནས་ལྷ་རྣམས་དང་།། དྲི་ཟ་ལྷ་མི་རྣམས་ཀྱང་ནི།། ཀུན་ལ་འཕོ་བ་ཡོད་གྱུར་པ།། ཀུན་ཀྱང་ཀུན་རྫོབ་འབྲས་བུ་ཡིན།། གྲུབ་དང་རིག
325a4 འཛིན་གནོད་སྦྱིན་དང་། ། དྲི་ཟ་དང་ནི་ལྟོ་འཕྱེ་རྣམས།། སླར་ཡང་དམྱལ་བར་འགྲོ་འགྱུར་བ།། ཀུན་ཀྱང་ཀུན་རྫོབ་འབྲས་བུ་ཡིན།། གང་ཞིག་བརྩོན་དྲག་ལྷ་རྣམས་དང་།། ཡོན་ཏན
325a5 དབྱུང་གནས་ལ་གནས་གང་། ། མཐོ་རིས་ལས་འཕོ་ལྟུང་འགྱུར་བ།། ཐམས་ཅད་ཀུན་རྫོབ་འབྲས་བུ་ཡིན།། བརྒྱ་བྱིན་འཁོར་ལོས་སྒྱུར་ཉིད་དེ།། གང་གིས་དམ་པའི་གནས་ཐོབ་ནས།།
325a6 སླར་ཡང་བྱོལ་སོང་སྐྱེ་གནས་འཇུག། ཐམས་ཅད་ཀུན་རྫོབ་འབྲས་བུ་ཡིནི།། དེ་བས་མཐོ་རིས་ལྷ་རྣམས་ཀྱི།། བདེན་པ་བཟང་པོ་ཀུན་སྤངས་ལ།། བྱང་ཆུབ་སེམས་ནི་འོད་གསལ་བ།།
325a7 རྣལ་འབྱོར་པས་ནི་རྟག་ཏུ་བསྒོམ།། དངོས་པོ་མེད་ཅིང་དམིགས་སུ་མེད།། ཐམས་ཅད་སྟོང་པ་གནས་མེད་པ།། སྤྲོས་པ་རྣམས་ལས་ཡང་དག་འདས།། བྱང་ཆུབ་སེམས་དཔའི་མཚན
iiif viewer powered by OpenSeadragon
