| e-texts navigator |
| Wylie |
324b1 བ་དང་། མཛའ་བཤེས་མེད་པ་དང་། ཉེ་དུ་ལ་སོགས་པ་མེད་པ་དེ་ནི་དོན་དམ་པ་ཞེས་བྱའོ།། གང་ལ་རང་བཞིན་གྱིས་དངོས་པོ་ཐམས་ཅད་དུ་ཡོངས་སུ་བརྟགས་ཤིང་དགེ་བ་དང་། མི་དགེ།
324b2 བའི་འབྲས་བུ་དང་། སྐྱེ་བ་དང་། འགག་པ་ནི་ཀུན་རྫོབ་བོ།། དགེ་བ་མེད་པ་དང་། མི་དགེ་བའི་འབྲས་བུ་མེད་པ་དང་། སྐྱེ་བ་མེད་པ་དང་། འགག་པ་མེད་པ་དེ་བཞིན་ཉིད་ཀྱི་ངོ
324b3 བོ་ཉིད་དེ་ལ་ནི་ཀུན་ནས་ཉོན་མོངས་པ་དང་། རྣམ་པར་བྱང་བ་མེད་དོ།། དེ་ནི་དབུ་མའི་ཆོས་རྣམས་ཀྱི་སྒྲུབ་པ་ལྷུར་ལེན་པའོ།། དེ་ལ་འདི་སྐད་ཅེས་བྱ་སྟེ། ཀུན་རྫོབ་དང་ནི་དོན་དམ་སྟེ།
324b4 དབྱེ་བ་གཉིས་སུ་ཡང་དག་བཤད།། ཀུན་རྫོབ་འཇིག་རྟེན་པ་ཡི་ཆོས།། དོན་དམ་འཇིག་རྟེན་འདས་པའོ།། ཀུན་རྫོབ་ཆོས་ལ་ཞུགས་པ་ཡི།། སེམས་ཅན་ཉོན་མོངས་དབང་དུ་འགྲོ།།
324b5 དོན་དམ་ཡོངས་སུ་མ་ཤེས་པས།། འཁོར་བར་ཡུན་རིང་འཁོར་བར་འགྱུར།། ཀུན་རྫོབ་འཇིག་རྟེན་ཆོས་རྣམས་ལ།། མི་མཁས་པ་དག་རྟོག་པར་བྱེད།། ཀུན་ཏུ་རྟོག་པ་དེ་ཡིས་ནི།། སྡུག
324b6 བསྔལ་ཉམས་སུ་མྱོང་བར་འགྱུར། ། ཇི་ལྟར་སོ་སོར་སྐྱེ་བོ་ཡི།། བྱིས་པས་གྲོལ་ལམ་མི་ཤེས་པས།། མི་བཟད་པ་ཡི་སྡུག་བསྔལ་དང་།། མང་པོ་རྗེས་སུ་མྱོང་བར་འགྱུར།། གང་དུ
324b7 སྲིད་པ་འགག་འགྱུར་བའི། ། དོན་དམ་དག་ནི་མི་ཤེས་པས།། སྐྱེ་བ་དང་ནི་འགག་འགྱུར་ཞིང་།། སྐྱེ་མེད་འགྲོ་དང་འོང་བར་འགྱུར།། འཇིག་རྟེན་ཆོས་ལ་གནས་པ་ཡི།། བླུན་པོ་འཁོར།
iiif viewer powered by OpenSeadragon
