| e-texts navigator |
| Wylie |
323a1 དང་བཅས་པའི་མུ་སྟེགས་པ་དེ་རྣམས་ཐེག་པ་ཆེན་པོའི་ནང་དུ་སོང་སྟེ། ཞེས་དང་བཅས་ཤིང་ཐལ་མོ་སྦྱར་ནས། བདག་མེད་པའི་དྲི་བ་དག་ཡོངས་སུ་དྲིས་པ། རིགས་ཀྱི
323a2 བུ་ཐམས་ཅད་མཁྱེན་པས་ནི་ལུས་ལ་བདག་མེད་དོ་ཞེས་གསུངས་ལ། གལ་ཏེ་ལུས་ལ་ཡང་དག་པར་བདག་མེད་ན། ཇི་ལྟར་དེ་ལས་རྩེ་བ་དང་། རྒོད་པ་དང་། ངུ་བ་དང་། རོལ་པ་དང་། ཁྲོ
323a3 བ་དང་། ང་རྒྱལ་དང་། ཕྲག་དོག་དང་། ཕྲ་མ་ལ་སོགས་ཀུན་ཏུ་འབྱུང་བར་འགྱུར། ཅི་ལུས་ལ་ཡང་དག་པར་ན་བདག་ཡོད་དམ་མེད་པ་ཡིན། བདག་ཅག་གི་ཐེ་ཙོམ་དེ་དག་ཁྱེད་ཀྱི
323a4 བསལ་བའི་རིགས་སོ། ། ཐེག་པ་ཆེན་པོ་རྣམས་ཀྱིས་སྨྲས་པ། གྲོགས་པོ་དག་ལུས་ལ་ནི་བདག་ཡང་དག་པར་ཡོད་དོ་ཞེའམ། མེད་དོ་ཞེས་གཉིས་ཀར་ཡང་འདིར་བརྗོད་པར་མི་བྱ་སྟེ།
323a5 ཡང་དག་པར་ཡོད་དོ་ཞེས་བརྗོད་པ་ན། མེད་དོ་ཞེས་བརྗོད་པ་ནི་ལོག་པར་སྨྲ་བའོ།། གལ་ཏེ་ཡོད་ན་ཇི་ལྟར་ན། དེ་སྒྲ་དང་། སེན་མོ་དང་། པགས་པ་དང་། མགོ་བོ་དང་། ཤ་དང་།
323a6 རུས་པ་དང་། རྐང་དང་། ཟིལ་དང་། རྒྱུས་པ་དང་། མཆིན་པ་དང་། རྒྱུ་མ་དང་། མིང་པ་དང་། ལག་པ་དང་། རྐང་པ་དང་། ཡན་ལག་དང་། ཉིང་ལག་ལ་སོགས་པ་ལུས
323a7 ཐམས་ཅད་ཀྱི་ཕྱི་དང་ནང་དུ་བཅས་པ་ལ་རྣམ་པར་བརྟགས་ན། བདག་ཡང་དག་པར་མི་སྣང་ངོ་།། མུ་སྟེགས་པ་རྣམས་ཀྱིས་སྨྲས་པ། ལྷའི་མིག་དང་ལྡན་པ་འགའ་ཞིག་གིས་མཐོང་གིས།
iiif viewer powered by OpenSeadragon
