| e-texts navigator |
| Wylie |
262a1 པ་དེའི་ཚེ། དེས་སེམས་དེ་ལ་མི་དགེ་བའི་ལས་མ་སྤངས་པ་ཅིའང་མེད་ལ། དེས་སངས་རྒྱས་ཀྱི་ཆོས་གང་ཡང་མ་བཟུང་བ་མེད་པའི་ཕྱིར་ཏེ། འཇམ་དཔལ་དེ་ལྟར
262a2 ན་བྱང་ཆུབ་སེམས་དཔའ་རྣམས་ནི་ཡོན་ཏན་བསམ་གྱིས་མི་ཁྱབ་པ་དང་ལྡན་པ་ཡིན་ནོ། ། འཇམ་དཔལ་དཔེར་ན་བྱའི་རྒྱལ་པོ་ཀཱ་ལ་བིངྐའི་སྒོ་ངའི་སྦུབས་ན་འདུག་ཅིང་། མིག་མ་བྱེ་བ
262a3 དག་གིས་ཀྱང་སྒྲ་སྐད་ཀྱི་གདངས་ཟད་ཅིང་སྦྲན་པས་བུའི་ཚོགས་ཐམས་ཅད་ཟིལ་གྱིས་གནོན་པར་བྱེད་དོ། ། འཇམ་དཔལ་དེ་བཞིན་དུ་དང་པོའི་སེམས་བསྐྱེད་པའི་བྱང་ཆུབ་སེམས་དཔའ་མ
262a4 རིག་པའི་སྒོ་ངའི་སྦུབས་ན་འདུག་ཅིང་། མིག་ལས་དང་། ཉོན་མོངས་པའི་མུན་པའི་རབ་རིབ་ཀྱིས་སྤྲིས་ཡོག་པ་དང་། དགེ་བའི་རྩ་བ་ཡོངས་སུ་སྔོ་བའི་སྦྱོར་བ་བསྒྲུབ་པའི་སྒྲ་སྐད་ཀྱིས
262a5 ཉན་ཐོས་དང་རང་སངས་རྒྱས་ཐམས་ཅད་ཟིལ་གྱིས་གནོན་པར་བྱེད་དོ། ། འཇམ་དཔལ་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་ཞིག་གིས་ཕྱོགས་བཅུའི་འཇིག་རྟེན་གྱི་ཁམས་ཐམ
262a6 ཅད་ཀྱི་རྡུལ་ཕྲ་རབ་ཀྱི་རྡུལ་སྐྱེད་ཀྱི་རའི་ཤིང་རྟས་འགྲོ་བ་ལྟ་བུ་པའི་བྱང་ཆུབ་སེམས་དཔར་རྣམས་ལ་ཉིན་གཅིག་བཞིན་དུ་ལྷའི་ཟས་རོ་བརྒྱ་དང་ལྡན་པ་བྱིན་ཞིང་། ལྷའི་གོས་དག་ཀྱང་བྱིན་ཏེ
262a7 དེ་ལྟར་སྦྱིན་པ་གངྒཱའི་ཀླུང་གི་བྱེ་མ་སྙེད་དུ་བྱིན་ལ། རིགས་ཀྱི་བུ་འམ། རིགས་ཀྱི་བུ་མོ་གང་ཞིག་གིས་ནི་གླང་པོ་ཆེའི་ཤིང་རྟས་འགྲོ་བ་ལྟ་བུ་པའི་བྱང་ཆུབ་སེམས་དཔའ་གཅིག་ལ་ཉིན་གཅིག
iiif viewer powered by OpenSeadragon
