| e-texts navigator |
| Wylie |
254a1 འདུག་ལ་འཆང་བར་བྱེད། མར་མེ་དང་། བདུག་པ་དང་། མེ་ཏོག་དང་། ཐོས་དང་། མེ་ཏོག་འཕྲེང་དང་། བྱུག་པ་དག་གིས་མཆོག་ཏུ་གུས་པ་དྲག་པོས་མཆོད་པར
254a2 བྱེད་དེ། ཐེག་པ་ཆེན་པོ་ཀློག་ཅིང་ཁ་ཏོན་བྱེད་ལ། གཞན་དག་ཀྱང་དགའ་བ་དང་། མཆོག་ཏུ་དགའ་བ་ཆེན་པོ་དྲག་པོས་གློག་ཏུ་འཇུག་ཅིང་། ཁ་ཏོན་བྱེད་དུ་འཇུག། མ་བསླབས་པའི
254a3 བྱང་ཆུབ་སེམས་དཔའ་རྣམས་ལ་བརྙས་པའི་སེམས་མི་བསྐྱེད་ལ། བྱང་ཆུབ་སེམས་དཔའ་གཞན་དག་ཀྱང་བསླབ་པ་དེ་ཁོ་ན་ལ་འགོད་པར་བྱེད། དེ་བཞིན་འཛུམ་ཞིང་གསོང་པོར་སྨྲ
254a4 ལ། གཞན་དག་ཀྱང་བཞིན་འཛུམ་ཞིང་གསོང་པོར་སྨྲ་བ་ལ་འགོད། དེ་ཚིག་མི་བརླང་། མི་གཏུམ། མི་རྩུ་བ་ལ། གཞན་དག་ཀྱང་བསླབ་པ་དེ་ཁོ་ན་ལ་འགོད་ཅིང་དེ་དགའ་བ་དང་སྙན་པར
254a5 སྨྲ་ལ། སྲོག་གི་ཕྱིར་ཡང་ཐེག་པ་ཆེན་པོ་མི་སྤོང་ཞིང་། དེ་ཐེག་པ་ཆེན་པོ་ལ་ཞུགས་པའི་བྱང་ཆུབ་སེམས་དཔའ་རྣམས་དང་། ཐེག་པ་ཆེན་པོ་ཀློག་པ་རྣམས་དང་། ཐེག་པ་ཆེན་པོ་ཡོངསུ
254a6 འཛིན་པ་རྣམས་ལ་གུས་པ་དྲག་པོ་དང་། དཀའ་བ་དང་། མཆོག་ཏུ་དགའ་བ་ཆེན་པོས་སྲི་ཞུ་བྱ་བའི་ཕྱིར་ཉེ་བར་གནས་ལ། གཞན་དག་ཀྱང་བསམ་པ་ཆེན་པོ་དང་། ལྷག་པའི་བསམ་པས
254a7 བསླབ། དེ་ཁོ་ན་ལ་འགོད་པར་བྱེད། སུ་དང་ཡང་ལྷན་ཅིག་འགྱེད་པ་དང་རྩོད་པར་མི་བྱེད། དེ་སྔོན་མ་འབྱུང་བ་དང་། མ་ཐོས་པའི་མདོ་སྡེ་རྣམས་གུས་པ་དྲག་པོས་དོན་དུ་གཉེར
iiif viewer powered by OpenSeadragon
