| e-texts navigator |
| Wylie |
251a1 མི་བྱེད། ཁ་ཏོན་མི་བྱེད། སེམས་པར་མི་བྱེད་ལ། གཞན་དག་ཀྱང་ཐ་ན་ཚིགས་སུ་བཅད་པ་གཅིག་ཙམ་ཡང་ཀློག་ཏུ་འཇུག་པར་མི་བྱེད། ཁ་ཏོན་བྱེད་དུ་འཇུག་པར
251a2 མི་བྱེད་དེ། དེ་གང་ཀློག་པའང་ཐེག་པ་ཆེན་པོ་ཁོ་ན་ཀློག་ལ། གང་སྟོན་པ་དེའང་ཐེག་པ་ཆེན་པོ་ཁོ་ན་སྟོན་ན། འཇམ་དཔལ་འདི་ནི་བྱང་ཆུབ་སེམས་དཔའ་ཟླ་བ་དང་ཉི་མའི་འགྲོ་བ་ལྟ
251a3 བུ་བ་ཡིན་པར་རིག་པར་བྱའོ། ། འཇམ་དཔལ་དཔེར་ན་ནམ་མཁའ་ལྡིང་གི་དབང་པོ་ཆེན་པོའི་རྒྱལ་པོ་ཆེན་པོ་ལང་ཚོ་དང་། སྟོབས་དང་། མཐུ་ཆེན་པོ་ཐོབ་པ་ཡིན་འདོད་ན། རི་རབ
251a4 ཀྱི་རྩེ་མོ་ནས་རི་རབ་ཀྱི་རྩེ་མོར་འགྲོའོ། ། འཇམ་དཔལ་དེ་བཞིན་དུ་ཟླ་བ་དང་ཉི་མའི་འགྲོ་བ་ལྟ་བུ་པའི་བྱང་ཆུབ་སེམས་དཔའ་ཚུལ་ཁྲིམས་དང་། ཐོས་པ་དང་། བསམ་པ་དང་། ལྷག
251a5 བའི་བསམ་པའི་སྟོབས་དང་། ལང་ཚོ་པ། མཐུ་ཆེན་པོ་ཐོབ་པའང་འདོད་ན། སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་འགྲོ་ཞིང་། དེ་བཞིན་གཤེགས་པའི་འཁོར་གྱི་དཀྱིལ
251a6 འཁོར་རྣམས་སུ་སྟོན་པར་བྱེད་དོ། ། འཇམ་དཔལ་ཇི་ལྟར་བྱང་ཆུབ་སེམས་དཔའ་ཉན་ཐོས་ཀྱི་རྫུ་འཕྲུལ་གྱིས་འགྲོ་བ་ལྟ་བུ་ཡིན་པར་རིག་པར་བྱ་ཞེ་ན། འཇམ་དཔལ་དཔེར་ན་མི་ལ་ལ
251a7 ཞཞིག་འཇིག་རྟེན་གྱི་ཁམས་དེ་དག་ཉིད་འདའ་བར་འདོད་ལ། དེར་ཡང་དེའི་བྱ་བ་དང་། བྱ་བ་ཆེན་པོ་དང་། དོན་དང་། དོན་ཆེན་པོ་དང་། ཆེད་ཆེ་བ་དང་། ཆེད་མེར་བ་ཅིག་ཡོད་ནས།
iiif viewer powered by OpenSeadragon
