| e-texts navigator |
| Wylie |
249a1 འདའ་བར་འདོད་ལ། དེ་ལ་དེར་ཡང་དེའི་བྱ་བ་དང་། བྱ་བ་ཆེན་པོ་དང་། དོན་དང་། དོན་ཆེན་པོ་དང་། ཆེད་ཆེ་བ་དང་། ཆེད་ཆེ་རབ་ཅིག་ཡོད་ནས། དེ་འདི་སྙམ་དུ
249a2 སེམས་ཏེ། བདག་གིས་བཞོན་པ་ཇི་ལྟ་བུ་ཞིག་གིས་འཇིག་རྟེན་གྱི་ཁམས་དེ་དག་འདའ་བར་བྱ་སྙམ་མོ།། དེའང་འདི་སྙམ་དུ་དཔྱོད་དོ།། མ་ལ་བདག་གླང་པོ་ཆེའི་ཤིང་རྟ་ཡན་ལག་བརྒྱད་དང
249a3 ལྡན་པ་ལ་ཞོན་ཏེ། འཇིག་རྟེན་གྱི་ཁམས་དེ་དག་འདའ་བར་བྱ་གོར་མ་ཆག་སྙམ་ནས། འཇམ་དཔལ་མི་དེ་གླང་པོ་ཆེའི་ཤིང་རྟ་ཡན་ལག་བརྒྱད་དང་ལྡན་པ་ལ་ཞོན་ཏེ་ལམ་དེར་ཞུགས་ནས། དེ་ལོ
249a4 བརྒྱས་དཔག་ཚད་ཉིས་སྟོང་དུ་སོན་པ་ལས། རླུང་གི་དཀྱིལ་འཁོར་ཆེན་པོས་དེ་ནས་ཕྱིར་ཕུལ་ཏེ་བཟློག་ན། འཇམ་དཔལ་འདི་ཇི་སྙམ་དུ་སེམས། གླང་པོ་ཆེའི་ཤིང་རྟ་ལ་ཞོན་པའི་མི་དེས
249a5 བསྐལ་པ་གཅིག་གམ། བསྐལ་པ་བརྒྱ་འམ། བསྐལ་པ་སྟོང་ངམ། བསྐལ་པ་བྱེ་བ་ཕྲག་འབུམ་མམ། བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པས་ཀྱང་འཇིག་རྟེན་གྱི་ཁམས
249a6 གཅིག་ཀྱང་འདའ་བར་ནུས་སམ། འཇམ་དཔལ་གྱིས་གསོལ་པ། བཅོམ་ལྡན་འདས་དེ་ནི་གནས་མ་མཆིས་ལགས་སོ།། བཅོམ་ལྡན་འདས་དེ་ནི་སྐབས་མ་མཆིས་ཏེ། གླང་པོ་ཆེའི
249a7 ཤིང་རྟ་འཚལ་བའི་མི་དེས་བསྐལ་པ་གཅིག་གམ། བསྐལ་པ་བརྒྱ་འམ། བསྐལ་པ་སྟོང་ངམ། བསྐལ་པ་བྱེ་བ་ཕྲག་འབུམ་མམ། བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པས
iiif viewer powered by OpenSeadragon
