| e-texts navigator |
| Wylie |
248b1 ཤེས་རབ་རྟུལ་པོར་འགྱུར་ཏེ། བླ་ན་མེད་པའི་ཡེ་ཤེས་ཀྱི་ལམ་ལས་ཕྱིར་འདྲེན་ཅིང་ཕྱིར་བཟློག་གོ།། བྱང་ཆུབ་སེམས་དཔའ་དེའི་བྱང་ཆུབ་ཀྱི་སེམས་བསྒོམས་པ་ལས་བྱུང་བའི་ཤེས་རབ
248b2 ཀྱི་དབང་པོ། ཤེས་རབ་ཀྱི་མིག་གང་ཡིན་པ་དེའང་དེ་ཉན་ཐོས་ཀྱི་ཐེག་པ་འཛིན་ཅིང་འཆང་བའི་དགེ་བའི་རྩ་བ་བསྐྱེད་པ་མངོན་པར་འདུ་བྱེད་པ་དེས་རྟུལ་པོར་བྱེད་ཅིང་ཉམས་པར་བྱེད
248b3 དོ། ། འཇམ་དཔལ་དཔེར་ན་མི་ལ་ལ་ཞིག་མིག་ནད་ཀྱིས་མིག་ཟུམ་པར་གྱུར་ནས། དེ་མིག་དབྱེ་བ་དང་ཟུམས་སུ་རུང་བར་བྱ་བའི་ཕྱིར། ཟླ་བ་གཅིག་གི་བར་དུ་དཔྱད་བྱས་ཏེ། ཟླ་བ
248b4 གཅིག་ལོན་ནས་མིག་བྱེད་ཅིང་འཛུམས་པར་བྱེད་པ་ལས། དེའི་དགྲ་འམ་མི་མཛའ་བ་གཞན་ཞིག་གིས་པི་པི་ལིང་གི་ཕྱེ་མ་སྤར་གང་གིས་མིག་བཀང་ནས་དེའང་ལོང་བར་བྱས་པ་དེ་བཞིན
248b5 དུ། ། འཇམ་དཔལ་བྱང་ཆུབ་སེམས་དཔའ་དེའི་བྱང་ཆུབ་ཀྱི་སེམས་བསྒོམས་པ་ལས་བྱུང་བའི་ཤེས་རབ་ཀྱི་དབང་པོ། ཤེས་རབ་ཀྱི་མིག་གང་ཡིན་པ་དེ་དེའང་དེ་ཉན་ཐོས་ཀྱི་ཐེག་པ་འཛིན་ཅིང
248b6 འཆང་བའི་དགེ་བའི་རྩ་བ་བསྐྱེད་པ་མངོན་པར་འདུ་བྱེད་པ་དེས་རྟུལ་པོར་བྱེད་ཅིང་ཉམས་པར་བྱེད་དེ། འཇམ་དཔལ་འདི་ནི་བྱང་ཆུབ་སེམས་དཔའ་ཕྱུགས་ཀྱི་ཤིང་རྟས་འགྲོ་བ་ལྟ་བུ་ཡིན་པར་རིག
248b7 པར་བྱའོ། ། འཇམ་དཔལ་ཇི་ལྟར་བྱང་ཆུབ་སེམས་དཔའ་གླང་པོ་ཆེའི་ཤིང་རྟས་འགྲོ་བ་ལྟ་བུ་ཡིན་པར་རིག་པར་བྱ་ཞེ་ན། འཇམ་དཔལ་དཔེར་ན་མི་ལ་ལ་ཞག་འཇིག་རྟེན་གྱི་ཁམས་དེ་དག་ཉིད
iiif viewer powered by OpenSeadragon
