| e-texts navigator |
| Wylie |
244b1 ། མཐུན་འཇུག་ཡིན།། རྟག་ཏུ་ཆོས་ཀྱི་དབྱིངས་མཚུངས་ཏེ།། འཇུག་པ་མེད་ཅིང་འབྱུང་མེད་ཀྱང་།། འགྲོ་བ་གནས་པ་སྟོན་མཛད་པ།། འདི་ནི་འཇིག་རྟེན་མཐུན་འཇུག་ཡིན།། མི་སྐྱེ་བ་ལ་གཅིག
244b2 པ་འམ། ། མང་པོ་ཡོད་པ་མ་ཡིན་ཡང་།། སྣ་ཚོགས་རིམ་པ་སྟོན་མཛད་པ།། འདི་ནི་འཇིག་རྟེན་མཐུན་འཇུག་ཡིན།། དེ་དག་ཐ་དད་སྒྱུ་མེད་ཀྱང་།། སངས་རྒྱས་ཞིང་རྣམས་དཔག་མེད་དུ།། །
244b3 སྐུ་ལུས་དག་ནི་སྤྲུལ་མཛད་པ།། འདི་ནི་འཇིག་རྟེན་མཐུན་འཇུག་ཡིན།། སྟོང་གསུམ་བྱེ་བ་བརྒྱ་བགྲངས་པ།། སངས་རྒྱས་ཞིང་དུ་བརྗོད་བྱ་བ།། དེར་ནི་སྐྱེ་བ་སྟོན་མཛད་པ།། འདི་ནི་འཇིག
244b4 རྟེན་མཐུན་འཇུག་ཡིན། ། དེ་བཞིན་གཤེགས་པས་དུས་ཀུན་ཏུ།། ཆོས་ནི་གནས་པར་རབ་མཁྱེན་ཀྱང་།། ཆོས་ཀྱི་འཁོར་ལོ་རབ་བསྐོར་བ།། འདི་ནི་འཇིག་རྟེན་མཐུན་འཇུག་ཡིན།། སངས
244b5 རྒྱས་འོད་ནི་དཔག་མེད་ཅིང་། ། སྐུ་ལུས་དཔག་ཏུ་མེད་མིན་ཡང་།། དཔག་ཏུ་ཡོད་པར་སྟོན་མཛད་པ།། འདི་ནི་འཇིག་རྟེན་མཐུན་འཇུག་ཡིན།། ཆོས་ཀྱི་དབྱིངས་ལ་མཆོག་མེད་དེ།། དུས
244b6 གསུམ་དག་ཏུ་སྟོང་ཉིད་ཀྱང་། ། མཆོག་གི་ཆོས་རྣམས་སྟོན་མཛད་པ།། འདི་ནི་འཇིག་རྟེན་མཐུན་འཇུག་ཡིན།། ཞིག་པ་མེད་ཅིང་སྐྱེ་མེད་ལ།། ཆོས་ཀྱི་དབྱིངས་དང་མཉམ་གྱུར་ཀྱང་།།
244b7 བསྲེག་པའི་བསྐལ་པ་སྟོན་མཛད་པ།། འདི་ནི་འཇིག་རྟེན་མཐུན་འཇུག་ཡིན།། ཆོས་ཀྱི་དབྱིངས་ནི་གྲུབ་མེད་དེ།། དེ་ལ་ངོ་བོ་ཉིད་མེད་ཀྱང་།། འོན་ཀྱང་ངེས་པར་འབྱུང་སྟོན་པ།། འདི
iiif viewer powered by OpenSeadragon
