| e-texts navigator |
| Wylie |
244a1 པ་ཡང་རྟོན་མཛད་པ། འདི་ནི་འཇིག་རྟེན་མཐུན་འཇུག་ཡིན།། དེ་བཞིན་གཤེགས་པ་ཆོས་སྨྲ་སྟེ།། གཅིག་ཅི་འདྲ་བར་དེ་བཞིན་ཀུན།། འོན་ཀྱང་ཐ་དད་སྐྱོན
244a2 མཛད་པ། ། འདི་ནི་འཇིག་རྟེན་མཐུན་འཇུག་ཡིན།། སངས་རྒྱས་རང་སངས་རྒྱས་རྣམས་དང་།། ཉན་ཐོས་སོ་སོའི་སྐྱེ་བོ་དང་།། འཁོར་བ་དང་ནི་མྱ་ངན་འདས།། ཚིག་གི་ལས་ཀྱིས
244a3 རབ་ཏུ་བྱེ། ། སངས་རྒྱས་ཡེ་ཤེས་མཐའ་ཡས་ཏེ།། ཆོས་ཀྱི་དབྱིངས་ལས་བྱུང་ཡིན་ཡང་།། སངས་རྒྱས་ཞིང་ནི་སྟོན་མཛད་པ།། འདི་ནི་འཇིག་རྟེན་མཐུན་འཇུག་ཡིན།། རྫོགས
244a4 པའི་སངས་རྒྱསྲ་བསམ་མི་ཁྱབ། ། དེ་བཞིན་གཤེགས་པ་བསམ་མི་ཁྱབ།། སེམས་ཅན་འདུལ་བའི་དོན་གྱི་ཕྱིར།། འདི་ནི་འཇིག་རྟེན་མཐུན་འཇུག་ཡིན།། ཟག་མེད་ཡོད་པ་མ་ཡིན།
244a5 ཡང་།། དེ་བཞིན་གཤེགས་པ་ཉན་ཐོས་ལ།། ཟག་པ་མེད་པ་ཉིད་གསུངས་པ།། འདི་ནི་འཇིག་རྟེན་མཐུན་འཇུག་ཡིན།། མཁྱེན་པས་དེ་དག་གཉིས་མིན་ཡང་།། དུས་གསུམ་དག་ནི་རྣམ
244a6 གཟིགས་ཤིང་། ། གཉིས་ཀྱིས་འདུ་ཤེས་སྟོན་མཛད་པ།། འདི་ནི་འཇིག་རྟེན་མཐུན་འཇུག་ཡིན།། སངས་རྒྱས་ཆོས་ཉིད་གང་ཡིན་དང་།། སངས་རྒྱས་རིག་པ་སུ་འདོད་པ།། དེ་ནི་ཆོས
244a7 དབྱིངས་ཞུས་ཤིག་པ། ། འདི་ནི་འཇིག་རྟེན་མཐུན་འཇུག་ཡིན།། སྐྱེ་བ་མེད་པ་བཟོད་བསྟན་པ།། རྟག་ཏུ་ཡང་དག་རབ་ཏུ་མཁྱེན།། མཁྱེན་ན་རབ་ཏུ་སྟོན་མཛད་པ།། འདི་ནི་འཇིག་རྟེན
iiif viewer powered by OpenSeadragon
