| e-texts navigator |
| Wylie |
242b1 མི་མཁྱེན་པ་ནི་མི་མངའ་ཡང་། ། གཞན་ལ་ཡོངས་སུ་འདྲི་མཛད་པ།། འདི་ནི་འཇིག་རྟེན་མཐུན་འཇུག་ཡིན།། སེམས་ཅན་ཀུན་གྱི་དོན་གྱི་ཕྱིར།། རྣམ་པར་འདྲེན་པ་འབྱུང་མཛད་ཀྱང་།། རབ
242b2 ཏུ་དབེན་པར་སྣང་བ་སྟེ། ། འདི་ནི་འཇིག་རྟེན་མཐུན་འཇུག་ཡིན།། དེ་དག་སྣ་ཚོགས་སྐུ་མེད་ཀྱང་།། སེམས་ཅན་མོས་པ་ཇི་བཞིན་དུ།། སྐུ་ལུས་སྤྲུལ་པ་མཛད་པ་ནི།། འདི་ནི་འཇིག་རྟེན་འདུན
242b3 འཇུག་ཡིན། ། འཇིག་རྟེན་ཀུན་གྱི་སྒྲ་སྐད་ཀྱིས།། དེ་བཞིན་གཤེགས་པ་མི་གཡོལ།། འོན་ཀྱང་སྒྲ་ཆུང་སྟོན་མཛད་པ།། འདི་ནི་འཇིག་རྟེན་མཐུན་འཇུག་ཡིན།། རྫོགས་པའི་སངས
242b4 རྒྱས་སྤྲོས་མི་མངའ། ། ཆོས་རྣམས་ཀུན་ལ་གསལ་གྱུར་ཀྱང་།། སྤྲོས་དང་བཅས་པར་གསུང་མཛད་པ།། འདི་ནི་འཇིག་རྟེན་མཐུན་འཇུག་ཡིན།། མིང་མེད་པ་ཡི་ཆོས་ཀྱི་ས་རྣམས།། བསམ
242b5 དུ་མེད་པའི་མིང་དག་གིས། ། སེམས་ཅན་རྣམས་ལ་ཡོངས་བརྗོད་པ།། འདི་ནི་འཇིག་རྟེན་མཐུན་འཇུག་ཡིན།། ཆོས་རྣམས་སེམས་ཅན་མེད་པ་དང་།། ཤིན་ཏུ་དངོས་པོ་མེད་མཁྱེན་ལ།།
242b6 སེམས་ཅན་མང་པོ་འདུལ་མཛད་པ།། འདི་ནི་འཇིག་རྟེན་མཐུན་འཇུག་ཡིན།། གང་གིས་ལས་བྱས་འདི་ཉིད་ཀྱིས།། མྱོང་བར་གྱུར་པ་མ་ཡིན་ཡང་།། གང་གིས་བྱས་པ་སྟོན་མཛད་པ།།
242b7 འདི་ནི་འཇིག་རྟེན་འཐུན་འཇུག་ཡིན།། ཆོས་རྣམས་ཐམས་ཅད་སྟོང་པ་ལ།། སྐྱེས་བུ་མཆོག་རྣམས་མངོན་སུམ་ཡང་།། རིམ་འཕོ་སྐྱེ་བ་སྟོན་མཛད་པ།། འདི་ནི་འཇིག་རྟེན་མཐུན་འཇུག་ཡིན།།
iiif viewer powered by OpenSeadragon
