| e-texts navigator |
| Wylie |
242a1 རྣམ་པར་འདྲེན་པ་ཀུན། ། རོ་བྲོ་མཆོག་རྣམས་བརྙེས་གྱུར་ཀྱང་།། ངན་ངོན་དག་ནི་སྟེན་མཛད་པ།། འདི་ནི་འཇིག་རྟེན་མཐུན་འཇུག་ཡིན།། བསོད་ནམས་མི་ཟད་ཐམས
242a2 ཅད་ཀྱིས། ། སངས་རྒྱས་ཐམས་ཅད་ཡང་དག་འཕགས།། འོན་ཀྱང་མ་རྙེད་སྟོན་མཛད་པ།། འདི་ནི་འཇིག་རྟེན་མཐུན་འཇུག་ཡིན།། དགའ་བའི་ཟས་ནི་མངོན་བསྒྲུབས་ཏེ།། བསྐལ་པ
242a3 བྱེ་བར་བཞུགས་མཛད་ཀྱང་། ། རྟག་ཏུ་ཞལ་ཟས་གསོལ་མཛད་པ།། འདི་ནི་འཇིག་རྟེན་མཐུན་འཇུག་ཡིན།། བསོད་ནམས་ཕ་རོལ་ཕྱིན་པས་འཕགས།། ལྷ་ཡིན་བཟའ་རྙེད་གྱུར
242a4 ཀྱང་། ། ཕྱག་དར་ཁྲོད་པ་གསོལ་མཛད་པ།། འདི་ནི་འཇིག་རྟེན་མཐུན་འཇུག་ཡིན།། འོག་མིན་གཞལ་མེད་ཁང་པ་རྣམས།། རྣམ་འདྲེན་རྣམས་ཀྱིས་ཡོངས་སྤངས་ཏེ།། རྩཝ་ཁྱིམ
242a5 རྣམས་ནི་སྟེན་མཛད་པ། ། འདི་ནི་འཇིག་རྟེན་འཐུན་འཇུག་ཡིན།། འདྲེན་པ་རྣམས་ནི་ཞལ་དབུགས་ཀྱིས།། རྒྱ་མཚོ་ཆེན་པོ་སྐམས་མཛད་ཀྱང་།། ཆར་པའི་སྐྱབས་ཀྱང་རབ་འཛིན་པ།།
242a6 འདི་ནི་འཇིག་རྟེན་མཐུན་འཇུག་ཡིན།། བདུད་རྣམས་བྱེ་བ་དཔག་མེད་པ།། ཐུགས་བསྐྱེད་ཙམ་གྱིས་འདུལ་མཛད་ཀྱང་།། བདུད་ཀྱི་བགེགས་རྣམས་སྟོན་མཛད་པ།། འདི་ནི་འཇིག་རྟེན
242a7 འཐུན་འཇུག་ཡིན། ། ང་དང་ང་ཞེས་ལྟ་བ་གང་།། དེ་ནི་རང་བྱུང་རྣམས་ལ་མེད།། འོན་ཀྱང་ང་དང་ངའི་ཞེས་གསུངས།། འདི་ནི་འཇིག་རྟེན་མཐུན་འཇུག་ཡིན།། སྐྱོབ་པ་སངས་རྒྱས་ཆོས་ཀུན་ལ
iiif viewer powered by OpenSeadragon
