| e-texts navigator |
| Wylie |
239b1 ཀྱིས་མདུན་གྱིས་བལྟས། ། དེ་ནས་མཁས་པ་འཇམ་དབྱངས་ཀྱིས།། བཏུད་དེ་རྒྱལ་ལ་འདི་སྐད་གསོལ།། སླད་མའི་སྐྱེ་བོ་རྣམས་སླད་དུ།། དཔའ་བོ་ཆེན་པོས་བཤད་དུ་གསོལ།།
239b2 སངས་རྒྱས་ཀུན་གྱི་ཡོན་ཏན་འབྱུང་།། ཟབ་ཅིང་རྒྱ་ཆེ་ཕུན་སུམ་ཚོགས།། མདོ་སྡེ་དམ་པ་བློ་རབ་ཀྱིས།། སྨྲ་བའི་མཆོག་གིས་བཤད་དུ་གསོལ།། འཇིག་རྟེན་མགོན་པོ་ཐུགས་སྐྱེས
239b3 སྲས། ། གཅེས་འཛིན་མཆོག་ལ་བཀའ་སྩལ་པ།། རྩེ་གཅིག་སེམས་སུ་ཡིད་བྱོས་ལ།། ཉོན་ཅིག་ད་ནི་བཤད་པར་བྱ།། བློ་དང་ལྡན་པས་ཡོན་ཏན་ཞུས།། དེ་བཞིན་གཤེགས
239b4 པས་བཀའ་སྩལ་པ། ། ཆོས་སྨྲ་སེམས་ཅན་མཆོག་རྣམས་ཀྱིས།། ཆོས་ཉིད་དེ་ནི་མཉན་པར་གྱིས།། དེ་བཞིན་གཤེགས་རྣམས་དཔག་མེད་ལས།། རང་སངས་རྒྱས་ནི་ཐམས་ཅད་དང་།།
239b5 ཉན་ཐོས་དག་གིས་རྣམ་ཀུན་ཏུ།། རྫོགས་པའི་སངས་རྒྱས་བསགས་པ་ན།། དེ་བཞིན་གཤེགས་པ་སྤྲོས་མེད་ལ།། བྱིས་པ་སྤྲོས་ལ་སྤྱོད་པ་ཡི།། སེམས་ཅན་ཀུན་གྱི་རྒྱལ་བ་རྣམ
239b6 རིགས་པར་མི་ནུས་སྤྲོས་ཅི་དགོས། ། སངས་རྒྱས་ཀྱིས་ནི་སངས་རྒྱས་དང་།། སངས་རྒྱས་ཆོས་ཉིད་གང་ཡིན་དང་།། རང་བྱུང་སྐུ་ཐུགས་ཅི་འདྲ་དང་།། ཤེས་རབ་ཅི་འདྲ་རབ་ཏུ་མཁྱེན།།
239b7 འཇིག་རྟེན་དུ་ནི་འཇིག་རྟེན་སྒྲོན།། རྣམ་པར་འདྲེན་པ་རྣམས་འབྱུང་ཡང་།། འཇིག་རྟེན་དང་ནི་འདྲེས་མེད་པ།། འཇོག་རྟེན་དུ་ཡང་སྣང་བ་སྟོན།། སྐུ་དང་སྐུ་ཡི་འཕྲིན་ལས་དང་།།
iiif viewer powered by OpenSeadragon
