| e-texts navigator |
| Wylie |
226a1 ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ། འཕགས་པ་འཇིག་རྟེན་ལས་འདས་པའི་རྫོགས་པར་བསྙེན་པས་རྫོགས་པར་བསྙེན་པ་ཡིན་ཏེ། དེ་ལྟར་རབ་ཏུ
226a2 བླང་བ་གང་དག་ཡིན་པ་དེ་དག་ནི་ཡང་དག་པར་རབ་ཏུ་བྱུང་བ་ཡིན་གྱི། དེ་ལྟ་མ་ཡིན་པར་རབ་ཏུ་བྱུང་བ་གང་དག་ཡིན་པ་དེ་དག་ནི་ལོག་པར་རབ་ཏུ་བྱུང་བ་ཡིན་ནོ།། ཤཱ་རིའི་བུ་དགེ་སློང་དེ་ལྟ་བུས་ནི་དད་པས
226a3 བྱིན་པ་ལོངས་སྤྱད་པར་འོས་ཏེ། གོས་དང་། ཟས་དང་། མལ་ཆ་དང་། སྟན་དང་། ན་བའི་གསོས་དང་། སྨན་དང་། སྨན་ཟོན་རྣམས་སྤྱད་པར་འོས་སོ་ཞེས་བཀའ་སྩལ་ཏོ།།
226a4 དེ་ནས་བཅོམ་ལྡན་འདས་ཀྱིས། ཚེ་དང་ལྡན་པ་ཤཱ་རིའི་བུ་ལ་ལེགས་སོ་ཞེས་བྱ་བ་བྱིན་ཏེ། ཤཱ་རིའི་བུ་ལེགས་སོ་ལེགས་སོ།། ཁྱོད་ཀྱིས་ཇི་སྐད་བསྟན་པ་དེ་བཞིན་དུ་ངས་དེ་ལ་དགོངས་ནས་བསྟན
226a5 པ་ཡིན་ཏེ། འདི་ནི་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་ཡིན་ནོ།། ཤཱ་རིའི་བུ་ཕྱག་རྒྱ་འདིས་མངོན་པའི་ང་རྒྱལ་ཅན་བརྟག་པར་འདོད་པས་ནི། ཕྱག་རྒྱ་དེའི་མདུན་དུ་བརྗོད
226a6 པར་བྱའོ། ། ཤཱ་རིའི་བུ་ཤིན་ཏུ་བརྟག་པ་ནི་ཕྱག་རྒྱ་འདིས་ནི་མངོན་པའི་ང་རྒྱལ་ན་མང་པོ་བརྟག་པར་མ་ནུས་སོ།། ཆོས་ཀྱི་རྣམ་གྲངས་འདི་བསྟན་པ་ན། དགེ་སློང་བདུན་བརྒྱ་ལེན་པ་མེད་པར
226a7 ཟག་པ་རྣམས་ལས་སེམས་རྣམ་པར་གྲོལ་ལོ། ། སྲིད་པ་ཐ་མའི་དགེ་སློང་བརྒྱ་ནི་ཆོས་ཀྱི་རྣམ་གྲངས་འདི་ལ་མ་ཞུགས་ཤིང་མ་གཏོགས་པ་ལ་མ་མོས་ནས་སྟན་ལས་ལངས་ཏེ་དོང་ངོ་།། དགེ་སློང
iiif viewer powered by OpenSeadragon
