| e-texts navigator |
| Wylie |
225a1 བ་ཡིན་ནོ། ། ཤཱ་རིའི་བུ་དགེ་སློང་དེ་ལྟ་བུས་ནི་དད་པས་བྱིན་པ་ལོངས་སྤྱད་པར་འོས་ཏེ། གོས་དང་། ཟས་དང་། མལ་ཆ་དང་། སྟན་དང་། ན་བའི་གསོས་དང་།།
225a2 སྨན་དང་། སྨན་ཟོང་རྣམས་ལོངས་སྤྱད་པར་འོས་སོ་ཞེས་དེ་སྐད་བཀའ་སྩལ། ཤཱ་རིའི་བུས་སྨྲས་པ། ཚེ་དང་ལྡན་པ་རབ་འབྱོར་བཅོམ་ལྡན་འདས་ཀྱིས་ཆོས་ཉིད་ལ་དགོངས་ནས།
225a3 འདི་སྐད་དུ་བརྩོན་པ་མི་གཏོང་བའི་དགེ་སློང་གང་ཡིན་པ་དེ་ནི་གཟུགས་གཏོང་བར་མི་བྱེད། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་གཏོང་བར་མི་བྱེད
225a4 ཅེས་བཀའ་སྩལ་ཏོ། ། ཚེ་དང་ལྡན་པ་རབ་འབྱོར་ཆོས་ཀྱི་དབྱིངས་ནི་ནང་ནའང་མི་དམིགས། ཕྱི་རོལ་ནའང་མི་དམིགས། གཉིས་ཀར་མེད་པར་ཡང་མི་དམིགས་སོ།། ནང་གདགས་པ་ནི
225a5 གདགས་སུ་མེད་པ་དང་། སྐྱེ་བ་མེད་པའི་གདགས་པའོ།། དེ་ལྟར་ན་སེམས་ཅན་གྱི་ཁམས་མཉམ་པ་ཉིད་ཀྱིས་ཆོས་ཀྱི་དབྱིངས་མཉམ་པ་ཉིད་དོ།། ཆོས་ཀྱི་དབྱིངས་མཉམ་པ་ཉིད་ཀྱིས
225a6 སེམས་ཅན་གྱི་ཁམས་མཉམ་པ་ཉིད་དོ། ། དེ་ལྟར་ན་སེམས་ཅན་གྱི་ཁམས་དང་ཆོས་ཀྱི་དབྱིངས་འདི་ནི་གཉིས་སུ་མེད་དེ་གཉིས་སུ་དབྱེར་མེད་དོ།། གང་གཉིས་སུ་མེད་དེ་གཉིས་སུ་དབྱེར་མེད་པ
225a7 ལ་ནི། བསལ་བའང་མེད། གཞག་པའང་མེད་དོ།། གང་ལ་གསལ་བའང་མེད། གཞག་པའང་མེད་པ་དེ་ནི། འདའ་བའམ། ཐོབ་པར་བྱར་མི་ནུས་ཏེ། ཚེ་དང
iiif viewer powered by OpenSeadragon
