| e-texts navigator |
| Wylie |
43a1 དུ་གྱུར་པ་དང་། སངས་རྒྱས་ཀྱི་ཐེག་པ་དང་བྲལ་བ་དང་། རྫོགས་པའི་བྱང་ཆུབ་ཀྱི་སེམས་དང་བྲལ་བར་གྱུར་ཏོ།། ཡུལ་འཁོར་སྐྱོང་དེ་ལྟ་བས་ན། རྣམ་པ་འདི་ལྟ་བུའི་ཆོས་འདི་ཐོས
43a2 ནས་སྡིག་པའི་བཤེས་གཉེན་རིགས་པ་མེད་པ། རྙེད་པ་དོན་དུ་གཉེར་བ་དང་། མི་བསྟེན་པ་ཤེས་པར་བྱའོ།། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ།། སྟོབས་བཅུ
43a3 མངའ་བའི་སྤྱོད་པ་དཔག་མེད་ན། ། སྙིང་ནི་འཐོབ་དང་ཤེས་ཀྱི་ཁེ་ལ་སོང་།། བྱང་ཆུབ་ཡོན་ཏན་བརྒྱས་ཁེབས་བོར་ནས་ནི།། དེ་དག་འཐོབ་ཕྱིར་གཞན་གྱི་ཁྱིམ་ལ་དགའ།། ཁྭ་འདྲ་སྡང་བ་ཁྲེལ་དང་མོས་བློ་བྲལ།།
43a4 ཤེས་ཀྱི་ཁེ་ཕྱིར་བདུད་ཀྱི་དབང་དུ་སོང་།། ཉོན་མོངས་རག་ལུས་སྲིད་པའི་འགྲོ་བར་གཞོལ།། བདག་འདིར་ཡོན་ཏན་ལྡན་ཞེས་དེ་སྐད་སྨྲ།། ལུས་ནི་དགོན་ན་དྲན་པ་གྲོང་ཁྱེར་དུ།། འཐོབ་ཕྱིར་དེ་དག་རྣམ་པར
43a5 རྟོག་པས་སྤྱོད། ། གནམ་དང་ས་ལྟར་ཐར་ལས་རིང་བ་སྟེ།། དེ་འདྲའི་དེ་དག་སྦྲུལ་ལྟར་རིང་དུ་སྤང་།། དེ་དག་སངས་རྒྱས་ཆོས་དང་དེ་བཞིན་དུ།། དགེ་འདུན་ཡོན་ཏན་བརྒྱས་གང་དགའ་མ་ཡིན།། མཐོ་རིས་པོར
43a6 ནས་ངན་པའི་ལམ་དུ་སོང་། ། སྡུག་པས་འཕོངས་ནས་སྲིད་པའི་འགྲོ་བར་འཁྱམས།། ང་ཡི་སྤྱོད་པ་ཉེ་བར་བསྟན་པ་འདི་ཐོས་ནས།། ཡང་དག་ལྷག་པའི་བསམ་པའི་སྒྲུབ་པས་འདི་ལ་སྦྱོར།། བསྐལ་པ་བྱེ
43a7 བ་མང་པོས་རྙེད་དཀའ་དལ་རྙེད་ཀྱིས། ། དེ་ལྟ་ཇི་སྐད་བསྟན་པའི་ཆོས་ཉིད་འདིར་བརྩོན་གྱིས།། གང་ཞིག་ཐེག་མཆོག་བྱང་ཆུབ་དམ་པ་འཚང་རྒྱར་འདོད།། དེ་ཡིས་རྒྱལ་པོ་དེ་ཡི་ཡོན་ཏན་དྲན་པར་བྱ།། བསམས
iiif viewer powered by OpenSeadragon
