| e-texts navigator |
| Wylie |
41b1 ངན་ལས་འདས་པ་དེའི་ཚེ། ཙན་དན་དམར་པོའི་ཞུགས་ལ་བཞེན་པ་བྱས་སོ།། གང་དུ་དེ་བཞིན་གཤེགས་པ་དེ་ཞུགས་ལ་བཞེན་པའི་ས་ཕྱོགས་དེ་ཉིད་དུ། འཛམ་བུ་གླིང་ཐམས་ཅད་པའི་མེ་ཏོག་ཐམས་ཅད་དང་།། འཕྲེང
41b2 བ་ཐམས་ཅད་དང་། སྤོས་ཐམས་ཅད་དང་། རོལ་མོའི་སྒྲ་ཐམས་ཅད་ཀྱིས་ལོ་བརྒྱ་སྟོང་དུ་རིང་བསྲེལ་ལ་མཆོད་པ་བྱས་པར་གྱུར་པ་ནས། རྒྱུ་དང་རྐྱེན་ཐམས་ཅད་བསོགས་ཏེ། ཕྱིས་མཆོད་རྟེན་བྱེ་བ་ཕྲག་བརྒྱ་ཅུ་རྩ་བཞིའི
41b3 བར་དུ་བྱས་སོ། ། མཆོད་རྟེན་དེ་དག་ལ་ཡང་རིན་པོ་ཆེ་སྣ་བདུན་གྱི་རིན་པོ་ཆེའི་དྲི་བས་གཡོགས་སོ།། མུ་ཏིག་གི་དྲ་བའི་བླ་རེ་དག་བྲེས་སོ།། མཆོད་རྟེན་རེ་རེ་ལ་ཡང་རིན་པོ་ཆེ་སྣ་བདུན་གྱི་གདུགས་ལྔ་བརྒྱ་ལྔ་བརྒྱ་ཕུལ
41b4 ལོ། ། མཆོད་རྟེན་ཐམས་ཅད་ལ་སིལ་སྙན་བརྒྱ་སྟོང་ཕུལ་ལོ།། འཛམ་བུ་གླིང་ཁོར་ཡུག་ཏུ་མེ་ཏོག་གི་ཤིང་ལྗོན་པ་བསྐྲུན་ཏོ།། མཆོད་རྟེན་རེ་རེ་ལ་ཡང་མར་མེའི་རྫ་པོ་བརྒྱ་སྟོང་ནས་མར་མེ་བུས་སོ།། མར་མེ
41b5 རྫ་བོ་རེ་རེ་ནས་ཀྱང་སྤོས་ཀྱི་འབྲུ་མར་དྲུག་ཅུ་རྩ་བཞི་པ་སྟོང་གི་མར་མེ་བུས་སོ། ། སྤོས་དང་། འཕྲེང་བ་དང་། བྱུག་པ་ཐམས་ཅད་ཀྱིས་ཀྱང་མཆོད་པར་བྱས་སོ།། ཚུལ་དེ་ལྟ་བུས་ཡོ་བྱ་བའི་བར་དུ་མཆོད་པ་བྱས
41b6 ཏེ། ཕྱིས་རབ་ཏུ་བྱུང་ངོ་།། དེ་རབ་ཏུ་བྱུང་ནས། ཆོས་གོས་གསུམ་པར་གྱུར་ཅིང་། རྟག་ཏུ་བསོད་སྙོམས་སྤྱོད་པ་དང་། རྟག་ཏུ་ཅོག་པུ་པ་སྟེ། ནམ་ཡང་བློས་མ་ཕབ་བོ།། ནམ་ཡང་རྨུགས་པ་དང་གཉིད་ཀྱིས་ནོན་པར
41b7 མ་གྱུར་ཏོ། ། དེ་ཟང་ཟིང་མེད་པའི་སེམས་ཀྱིས་ལོ་བྱེ་བ་ཕྲག་བཞིའི་བར་དུ་ཆོས་ཀྱི་སྦྱིན་པ་བྱིན་ཏེ། དེས་གཞན་ལ་ཐ་ན་ལེགས་སོ་ཞེས་བྱ་བ་ཙམ་ལ་ཡང་རེ་བར་མ་གྱུར་ན། རྙེད་པ་དང་བཀུར་སྟི་ལྟ་སྨོས་ཀྱང་ཅི་དགོས
iiif viewer powered by OpenSeadragon
