| e-texts navigator |
| Wylie |
41a1 དགེ་འདུན་དང་བཅས་པ་དེ་ལ་གསོལ་ཏོ། ། དགེ་སློང་དེ་དག་ཐམས་ཅད་ཀྱི་ཕྱིར། རིན་པོ་ཆེ་སྣ་བདུན་གྱིས་གཡོགས་པའི་གཙུག་ལག་ཁང་ནོར་བུའི་འཆགས་བཤམས་པ།
41a2 སྟེང་དུ་རིན་པོ་ཆེའི་དྲ་བའི་བླ་རེ་བྲེས་པ། གཡས་གཡོན་དུ་མེ་ཏོག་གི་ཤིང་ལྗོན་པ་ལེགས་པ་ཡོངས་སུ་གྲུབ་པར་བྱས་པ། མེ་ཏོག་པདྨ་དཀར་པོའི་རྫོང་གོས་མཛེས་པར་བྱས་པ། རས་བཅོས་བུ་མུ་གཉིས
41a3 དྲི་མ་མེད་པ། ། བརྒྱ་སྟོང་བཏིང་བའི་མལ་བཤམས་པ། དགེ་སློང་རེ་རེ་ལ་གོས་ཁ་ན་མ་ཐོ་བ་མེད་པ་གང་བྱིན་པ་དེ་ཕྱི་ཉིན་མི་སྦྱིན་གྱི། ཉིན་གཅིག་བཞིན་གོས་གཞན་དང་གཞན་སྦྱིན་པར་འགྱུར་བ་བྱས་སོ།། དེ་ལོ
41a4 བྱེ་བ་ཕྲག་གསུམ་གྱི་བར་དུ་རྨུགས་པ་དང་གཉིད་ཀྱིས་ནོན་པར་མ་གྱུར། བདག་ལ་དགའ་བ་མ་བྱས། སངས་རྒྱས་ལ་མཆོད་པའི་ཕྱིར། གཞན་ཡིད་ལ་མ་བྱས་སོ།། བར་སྐབས་དེར་འདོད་པ་ལ་རྣམ་པར་རྟོག
41a5 པ་དང་། གནོད་སེམས་ཀྱི་རྣམ་པར་རྟོག་པ་དང་། འཚེ་བའི་རྣམ་པར་རྟོག་པས་རྣམ་པར་རྟོག་པར་མ་གྱུར། རྒྱལ་སྲིད་ལ་སྲེད་པར་མ་གྱུར་ཏེ། ལུས་དང་སྲོག་ལ་ཡང་མི་བསྟན། དངོས་པོ་གཞན་ལྟ་སྨོས་ཀྱང
41a6 ཅི་དགོས། བར་སྐབས་དེར་བཅོམ་ལྡན་འདས་ཀྱིས་གང་གསུངས་པ་དེ་ཐམས་ཅད་ཀུན་ཏུ་བཟུང་སྟེ། དེ་བཞིན་གཤེགས་པ་དེ་ལ་དེ་ལན་གཉིས་སུ་མ་ཞུས་སོ།། བར་སྐབས་དེར་ཁྲུས་མ་བྱས། འབྲུ་མར་གྱིས
41a7 ལུས་མ་བསྐུས། རྐང་པ་མ་བསྐུས། ངལ་བའི་འདུ་ཤེས་མ་བསྐྱེད་དེ། ཟན་ཟ་བ་དང་། བཤང་གཅི་བྱེད་པ་མ་གཏོགས་པར་ནམ་ཡང་འདུག་པར་མ་གྱུར་ཏོ།། གང་གི་ཚེ་དེ་བཞིན་གཤེགས་པ་དེ་ཡོངས་སུ་མྱ
iiif viewer powered by OpenSeadragon
