| e-texts navigator |
| Wylie |
40b1 མཁྱེན་རིམས་བྲལ་བ། ། སྲིད་གསུམ་མཚུངས་པ་མ་མཆི་ལྷག་པ་ག་ལ་ཞིག། བདག་གིས་འདིར་བསྟོད་བསོད་ནམས་མཐའ་ཡས་གང་བསྒྲུབས་དེས།། འཇིག་རྟེན་བྱང་ཆུབ་བླ་མེད་ཞི་མཆོག་ཐོབ་པར་ཤོག།
40b2 ཡུལ་འཁོར་སྐྱོང་དེ་ནས་དེ་བཞིན་གཤེགས་པ་དོན་གྲུབ་བློ་དེས་རྒྱལ་པོ་འོད་ཟེར་ལྡན་དེའི་ལྷག་པའི་བསམ་པ་མཁྱེན་ནས། ཅི་ནས་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི
40b3 ལྡོག་པར་འགྱུར་བ་དེ་ལྟ་དེ་ལྟར་ཆོས་བསྟན་ཏོ། ། ཡུལ་འཁོར་སྐྱོང་དེ་ནས་རྒྱལ་བུ་གཞོན་ནུ་བསོད་ནམས་ཀྱི་འོད་ཟེར་གྱིས། བཅོམ་ལྡན་འདས་དེ་བཞིན་གཤེསས་པ་དོན་གྲུབ་བློད་ལ་འདི་སྐད་ཅེས་གསོལ་ཏོ།།
40b4 བཅོམ་ལྡན་འདས་སང་བདག་གི་གྲོང་ཁྱེར་དུ་གདུགས་ཚོད་གསོལ་བར་གནང་བར་མཛད་དུ་གསོལ། བཅོམ་ལྡན་འདས་ཀྱིས་རྒྱལ་བུ་གཞོན་ནུ་བསོད་ནམས་ཀྱི་འོད་ཟེར་ལ་ཐུགས་བརྩེ་བར་དགོངས་ཏེ། ཅང་མི
40b5 གསུང་བར་གྱུར་པས་གནང་ངོ་། ། ཡུལ་འཁོར་སྐྱོང་དེ་ནས་རྒྱལ་བུ་གཞོན་ནུ་བསོད་ནམས་ཀྱི་འོད་ཟེར་གྱིས། ཕམ་དེ་གཉིས་དང་། གྲོག་དེ་དག་དང་། བུད་མེད་དེ་དག་ལ་སྨྲས་པ་ཁྱེད་ཅག་ཐམས་ཅད་རྗེས་སུ་ཡི་རང་བར་གྱིས་ཤིག
40b6 ཅི་ནས་གྲོང་ཁྱེར་དགའ་མཆོག་བརྒྱན་ཏེ། མ་ཆགས་པར་དེ་བཞིན་གཤེགས་པ་ལ་དབུལ་དུ་རུང་བར་གྱིས་ཤིག། དེ་དག་གིས་སྒྲ་སྐད་གཅིག་ཏུ་རྗེས་སུ་ཡི་རང་ངོ་།། ཡུལ་འཁོར་སྐྱོང་དེ་ནས་རྒྱལ་བུ་གཞོན
40b7 ནུ་བསོད་ནམས་ཀྱི་འོད་ཟེར་གྱིས་ཅི་ནས་གྲོར་ཁྱེར་དགའ་མཆོག་བརྒྱན་ཏེ། མ་ཆགས་པར་དེ་བཞིན་གཤེགས་པ་ལ་ཕུལ་ལོ།། རོ་བྲོ་བ་བཀོད་པ་ལྔ་བརྒྱ་པའི་ཞལ་ཟས་ཀྱང་དེ་བཞིན་གཤེག་པ་དགེ་སློང་གི
iiif viewer powered by OpenSeadragon
