| e-texts navigator |
| Wylie |
39a1 ཡུལ་འཁོར་སྐྱོང་དེ་ནས་རྒྱལ་པོ་འོད་ཟེར་ལྡན་གཞོན་ནུའི་ཕྱིར། ཤིང་བཅད་པ་སྐྱེལ་བ་ལྟར་ས་ལ་འགྱེལ་ཏེ། ལངས་ནས་ངུ་ཞིང་གྲོང་ཁྱེར་དེར་ལན་སྟོང་དུ་ཡོངས་སུ་བཙལ་ཏོ།། ཡུལ་འཁོར
39a2 སྐྱོང་དེ་ནས་གྲོང་ཁྱེར་གྱི་ལྷ་གང་ཡིན་པ་དེས། རྒྱལ་པོ་འོད་ཟེར་ལྡན་ལ་འདི་སྐད་ཅེས་སྨྲས་སོ།། རྒྱལ་པོ་ཆེན་པོ་གཞོན་ནུ་ནི་དེ་བཞིན་གཤེགས་པ་དོན་གྲུབ་བློ་ལ་བལྟ་བ་དང་། ཕྱག་བྱ་བ་དང་། མཆོད་པ་དང་།། བསྙེན།
39a3 བཀུར་བྱ་བའི་ཕྱིར། ཤར་ཕྱོགས་ལོགས་སུ་སོང་ངོ་།། ཡུལ་འཁོར་སྐྱོང་དེ་ནས་རྒྱལ་པོ་འོད་ཟེར་ལྡན་གཞོན་ནུ་བཙལ་བའི་ཕྱིར། བཙུན་མོའི་འཁོར་དང་སྲོག་ཆགས་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱ་ཅུ་རྩ
39a4 བཞི་དང་ལྷན་ཅིག་ཏུ་ཤར་གྱི་ཕྱོགས་ཆ་ག་ལ་བ་དེར་སོང་སྟེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དོན་གྲུབ་བློ་ག་ལ་བ་དེར་སོང་ནས་ཕྱིན་པ་དང་། བཅོམ་ལྡན་འདས་ཀྱི
39a5 ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་གོ།། ཕྱོགས་གཅིག་ཏུ་འདུག་ནས་ཀྱང་། རྒྱལ་པོ་འོད་ཟེར་ལྡན་གྱིས། བཅོམ་ལྡན་འདས་ལ་ཚོགས་སུ་བཅད་པས་མངོན་པར་བསྟོད་པ། སྲིད
39a6 གསུམ་ཁྱོད་མཚུངས་མ་མཆིས་ལྷག་པ་ག་ལ་མཆིས། ། སེམས་ཅན་དམ་པ་ལྷ་དབང་ལྷ་མིན་རྒྱལ་པོས་བཀུར། སྐྱེ་བོ་ཁྱོད་ཀྱི་གཟུགས་ལ་བལྟ་བས་ངོམས་མི་འགྱུར།། ཡོན་ཏན་ཡེ་ཤེས་རྒྱ་མཚོ་དཔལ་ལ
39a7 ཕྱག་འཚལ་ལོ། ། རྒྱལ་བ་ཁྱོད་སྐུ་སུམ་ཅུ་རྩ་གཉིས་མཚན་རབ་དག། ལྷུན་པོ་རིན་ཆེན་མཆོག་གིས་སྤྲས་ལྟར་ཡོངས་སུ་དག། རྒྱལ་བསྡུག་ཅིང་འཇམ་པ་གསེར་གྱི་ཁ་དོག་འདྲ།། བལྟ་སྡུག་གཟུགས
iiif viewer powered by OpenSeadragon
