| e-texts navigator |
| Wylie |
38a1 བདེན་དང་དྲང་བ་མི་བཟད་ཐབས་ཚུལ་གྱིས། ། ཡོངས་སྤྱད་ཡོན་ཏན་མཐའ་ཡས་ལྡན་པའི་གསུང་།། དེ་ཐོས་སེམས་ཅན་ཁྲག་ཁྲིག་ཕྲ་བརྒྱ་དག། ཐེག་པ་གསུམ་གྱིས་ཞི་བར་མཆི
38a2 བཔར་བགྱིད། ། ཁྱོད་ལ་མཆོད་པས་ལྷ་ཡི་བདེ་བ་ནི།། རྣམ་པ་མང་དང་དེ་བཞིན་མོ་ཡིས་ཐོབ།། མི་ཡི་བདག་པོ་འགྲོ་ལ་ཕན་བགྱིད་པ།། ཕྱུག་ཅིང་ནོར་ཆེ་འབྱོར་པ་ཆེན་པོར་འགྱུར།། མཚུངས་མེད་ཁྱོད་ལ
38a3 དད་པ་སྐྱེད་པ་ནི། ། གླིང་བཞིའི་བདག་པོ་འཁོར་ལོས་སྒྱུར་བའི་མཆོག། འགྲོ་ལ་དགེ་བ་བཅུ་པོ་ཀུན་འབྱེད་པ།། རིན་ཆེན་རབ་བཟང་བདུན་ལྡན་ཐོབ་པར་འགྱུར།། རྒྱལ་བ་ཁྱོད་ལ་མཆོད་པ་བགྱིས་པས་ནི།།
38a4 ཚངས་པོ་བརྒྱ་བྱིན་འཇིག་རྟེན་བདག་པོ་དང་།། ཡོངས་སུ་དགའ་ལྡན་ལྷ་ཡི་བདག་པོ་དག། གཞན་འཕྲུལ་པ་དང་འཐབ་བྲལ་རབ་དགར་འགྱུར།། འགྲོ་བའི་སྡུག་བསྔལ་རྣམས་མང་སེལ་མཛད་པ།
38a5 མཉམ་མེད་ཁྱོད་ལ་མཆོད་དང་མཐོང་བ་དང་།། ཐོས་པའང་དེ་ལྟར་འབྲས་བུ་མཆིས་ལགས་ཏེ།། གནས་མཆོག་རྒ་ཤི་མེད་པ་ཐོབ་པར་འགྱུར།། བཅོམ་ལྡན་ལམ་ལ་མཁས་ཤིང་ལམ་མཁྱེན་པ།།
38a6 འཇིག་རྟེན་འདི་ནི་ངན་པའི་ལམ་ལས་བཟློག། བཅོམ་ལྡན་འགྲོ་བ་དག་ནི་འཕགས་པའི་ལམ།། བདེ་བ་ཞི་པ་རྡུལ་དང་བྲལ་ལ་འགོད།། བསོད་ནམས་གཏེར་ཁྱོད་བསོད་ནམས་དོན་གཉེར་བའི།།
38a7 བསོད་ནམས་བགྱི་བ་རྟག་ཏུ་མི་བས་ཏེ།། བྱང་ཆུབ་དམ་པ་མ་ཐོབ་པར་དུ་ནི།། བསྐལ་པ་བྱེ་བ་མང་པོར་བས་མི་འགྱུར།། གཞན་འཕྲུལ་འདྲ་བ་རྟག་ཏུ་དགའ་བགྱིད་པ།། ཡོངས་སུ་དག་ཅིང་མཛེས་པ
iiif viewer powered by OpenSeadragon
