| e-texts navigator |
| Wylie |
35b1 སྨྲས་སོ། ། ཡུལ་འཁོར་སྐྱོང་དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དོན་གྲུབ་བློས་ཕྱག་གཡས་པ་བརྐྱང་སྟེ་འོད་ཕྱུང་ནས། འོད་དེས་རྒྱལ་བུ་གཞོན་ནུ་བསོད
35b2 ནམས་ཀྱི་འོད་ཟེར་ལ་རེག་གོ། འོད་དེ་ལས་ཀྱང་པདྨ་འདབ་མ་བརྒྱ་སྟོང་པ་ཤིང་རྟའི་འཕང་ལོ་ཙམ་བྱུང་བར་གྱུར་ཏོ།། པདྨ་དེ་ལས་ཀྱང་འོད་ཟེར་བརྒྱ་སྟོང་བྱུང་སྟེ། སྣང་བ་ཆེན་པོར་གྱུར་ནས། སྣང་བ
35b3 དེས་རྒྱལ་བུ་གཞོན་ནུ་བསོད་ནམས་ཀྱི་འོད་ཟེར་ཁྱབ་པར་གྱུར་ཏོ། ། ཡུལ་འཁོར་སྐྱོང་དེ་ནས་རྒྱལ་བུ་གཞོན་ནུ་བསོད་ནམས་ཀྱི་འོད་ཟེར་པདྨ་དེ་ལ་འདུག་ནས། བཅོམ་ལྡན་འདས་དེ་བཞིན་གཤེགས་པ
35b4 དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དོན་གྲུབ་བློ་དེ་ལོགས་སུ་ཐལ་མོ་སྦྱར་བ་བཏུད་དེ། སངས་རྒྱས་ལ་ཕྱག་འཚལ་ལོ་ཞེས་ལན་གསུམ་ཆེད་དུ་བརྗོད་དོ།། ཡུལ་འཁོར་སྐྱོང་དེ་ནས་དེ་བཞིན
35b5 གཤེགས་པ་དོན་གྲུབ་བློངས་འོད་དེ་བརྡུད་པ་དང་། གཞོན་ནུ་དེ་སྡོང་པོ་བཅད་པ་སྐྱེལ་བ་བཞིན་དུ། དེ་བཞིན་གཤེགས་པའི་ཞབས་ཀྱི་དྲུང་དུ་བབས་ཏེ། དེ་བཞིན་གཤེགས་པ་དེ་ལ་ལན་བརྒྱ་སྟོང་དུ་ཕྱག་འཚལ
35b6 ཡུལ་འཁོར་སྐྱོང་དེ་ནས་རྒྱལ་བུ་གཞོན་ནུ་བསོད་ནམས་ཀྱི་འོད་ཟེར་གྱིས། བཅོམ་ལྡན་འདས་དེ་བཞིན་གཤེགས་པ་དོན་གྲུབ་བློ་ལ་ཚོགས་སུ་བཅད་དེ་གསོལ་པ། བདག་ནི་རིང་ནས་ན་སྟེ་རིང་ནས་འདོད།
35b7 ཚེགས་ཆེས་སྨན་པའི་རྒྱལ་པོ་ཁྱོད་རྙེད་དོ།། ཇི་ལྟར་བདེ་གཤེགས་བསྟན་ལ་གནས་ནས་ནི།། བདག་གིས་ཐོབ་འགྱུར་མགོན་པོ་བསྟན་དུ་གསོལ།། འདྲེན་པ་བདག་གིས་བག་མཆིས་ཐོས་པ་ནི།། མཚན
iiif viewer powered by OpenSeadragon
