| e-texts navigator |
| Wylie |
35a1 བ་དང་། ཇི་ལྟར་སྲིད་པའི་སྲེད་པ་འཕགས་པ་མ་ཡིན་པ་དང་། ཇི་ལྟར་སྲིད་པ་ཡོད་ན། སྐྱེ་བ་རྒྱུན་གཅད་དཀའ་བ་དང་། ཇི་ལྟར་རྒ་བ་རྣམ་པར་འགྱུར་བར་བྱེད་པ་དང་། ཇི་ལྟར
35a2 ནད་ཀྱིས་རྣམ་པར་འཇིག་པར་བྱེད་པ་དང་། ཇི་ལྟར་འཚོ་བ་རྗེས་སུ་མི་སྲུན་པ་དང་། ཇི་ལྟར་འཇུག་པའི་རོ་བྲོ་བ་ཆུང་བ་དང་། ཇི་ལྟར་སྲིད་པ་མངོན་པར་འགྲུབ་པ་ཉེས་དམིགས་མང་བ་དང་། ཇི་ལྟར་དེ་བཞིན
35a3 གཤེགས་པའི་བསྟན་པ་ཉམས་དགའ་བ་ལྟར་འདི་མི་ནུས་ཏེ། འདོད་པའི་ཁོལ་པོ་ཉོན་མོངས་པས་རྨོངས་པ། སེམས་ཐ་བ་ཅན། བག་མེད་པ་ལ་དགའ་བ། བྱིས་པའི་ནང་ན་འདུག་པ། ཚུལ
35a4 བཞིན་མ་ཡིན་པའི་སེམས་དང་ལྡན་པ། འཁོར་བ་ལ་ཆགས་པའོ་སེམས་དང་ལྡན་པ། སྐྱེ་བོ་མ་རུངས་པའི་ནང་ན་འདུག་པས་ནི། བདེ་འགྲོའི་ལམ་ཡང་རྣམ་པར་སྦྱང་བར་མི་ནུས་ན། བླ་ན་མེད་པ་ཡང་དག
35a5 པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པར་ལྟ་ག་ལ་འགྱུར་སྙམ་མོ། ། དེ་ཡང་འདི་སྙམ་དུ་སེམས་ཏེ། བདག་སྒོ་ནས་བྱུང་ན་ནི། ཉེ་དུའི་ཆོག་ཀྱིས་བར་ཆད་བྱས་སུ་འོང་གིས
35a6 བདག་ཁང་སྟེང་འདི་ནས་ཐུར་དུ་མཆོད་ངོ་སྙམ་མོ། ། ཡུལ་འཁོར་སྐྱོང་དེ་ནས་རྒྱལ་བུ་གཞོན་ནུ་བསོད་ནམས་ཀྱི་འོད་ཟེར་བཅོམ་ལྡན་འདས་དེ་བཞིན་གཤེགས་པ་དོན་གྲུབ་བློ་དག་ལ་བ་དེ་ལོགས་སུ་ཕྱོགས་ཏེ།
35a7 ཁང་པ་དེ་ནས་མཆོངས་ནས་ཆོག་འདི་སྐད་དུ། གལ་ཏེ་དེ་བཞིན་གཤེགས་པ་དེ་ཐམས་ཅད་མཁྱེན་ཅིང་། ཐམས་ཅད་གཟིགས་ཤེ་ན། དེ་བཞིན་གཤེགས་པ་དེ་བདག་ལ་དགོངས་སུ་གསོལ་ཞེས་ཀྱང
iiif viewer powered by OpenSeadragon
