| e-texts navigator |
| Wylie |
34b1 དང་སྨད་པ་ཡིས། ། པདྨ་ཆུ་ལྟར་ཐམས་ཅད་དུ་ཡང་གོས་པ་མེད།། མི་ཡི་སེང་གེ་དེ་འདྲ་མཚུངས་པའི་སེམས་ཅན་མེད།། ཡུལ་འཁོར་སྐྱོང་དེ་ནས་རྒྱལ་བུ་གཞོན་ནུ་བསོད་ནམས་ཀྱི་འོད་ཟེར་གྱིས
34b2 སངས་རྒྱས་ཀྱི་བསྔགས་པ་ཐོས་ཤིང་། ཆོས་དང་དགེ་འདུན་གྱི་བསྔགས་པ་ཐོས་ནས། ཚོམ་ཞིང་མགུལ་ཡི་རངས་ཤིང་རབ་ཏུ་དགའ་སྟེ། དགའ་བ་དང་ཡིད་བདེ་བ་སྐྱེས་པར་གྱུར་ཏོ།། ཡུལ་འཁོར
34b3 སྐྱོང་དེ་ནས་རྒྱལ་བུ་གཞོན་ནུ་བསོད་ནམས་ཀྱི་འོད་ཟེར་འདི་སྙམ་དུ་སེམས་ཏེ། སངས་རྒྱས་བཅོམ་ལྡན་འདས་དེ་ཅི་འདྲ་བ་དང་། དེའི་དགེ་འདུན་ཕུན་སུམ་ཚོགས་པ་ཅི་འདྲ་བ་དང་། དེ་མངོན་སུམ་དུ་བྱས
34b4 པའི་ཆོས་ཅི་འདྲ་བ་དང་། དེའི་སློབ་མ་ཕུན་སུམ་ཚོགས་པ་ཅི་འདྲ་བ་དང་། ཇི་ལྟར་འཁོར་ཡང་བ་དང་ཕྲད་པ་དང་། བྱས་པ་མི་གཟོ་བ་དང་། ཇི་ལྟར་འཁོར་བ་ན་བྱིས་པ་སོ་སོའི་སྐྱེ་བོ་དག་བྱས་པ་མི
34b5 གཟོ་བ་དང་། ཇི་ལྟར་ཁྱིམ་གྱི་གནས་ཉེས་དམིགས་མང་བ་དང་། ཇི་ལྟར་འདོད་པ་དག་ཉེས་པ་མང་བ་དང་། ཇི་ལྟར་མཁས་པ་རྣམས་ཀྱི་བག་མེད་པ་སྤངས་པ་དང་། ཇི་ལྟར་མ་རིག་པའི་མུན་གནག།
34b6 རྨོངས་པ་དང་། ཇི་ལྟར་འདུ་བྱེད་རྣམས་ཚོགས་པར་དཀའ་བ་དང་། ཇི་ལྟར་སེམས་གདུལ་དཀའ་བ་དང་། ཇི་ལྟར་མིང་དང་གཟུགས་ཟབ་པ་དང་། ཇི་ལྟར་སྐྱེ་མཆེད་དྲུག་དབུགས་འབྱིན་པ་མེད་པ་དང་།།
34b7 ཇི་ལྟར་རེག་པ་ཡོངས་སུ་མ་ཤེས་ཏེ། སྡུག་བསྔལ་རྣམ་པར་སྨིན་པ་དང་། ཇི་ལྟར་ཚོར་བ་ཉེས་དམིགས་མང་བ་དང་། ཇི་ལྟར་སྲེད་པའི་འཆིང་བ་དམ་པ་དང་། ཇི་ལྟར་ཉེ་བར་ལེན་པ་ལས་འབྱུང་བར་དཀའ
iiif viewer powered by OpenSeadragon
