| e-texts navigator |
| Wylie |
413a1 ལ་བར་དུ་གཅོད་པའི་ཆོས་ཉི་ཤུ་སྟེ། འདི་ལྟ་སྟེ། མི་བརྩོན་པ་དང་། མི་བརྩོན་པ་དང་འགྲོགས་པ་དང་། ཡོངས་སུ་མི་འ་དྲི་བ་དང་། མི་མཐུན་པའི་ལུང་དང་། ལུག་ལྟར་ལྐུགས་པ
413a2 ཉིད་དང་། སྲེད་པ་ཅན་ཉིད་དང་། བྱ་བ་མང་བ་ཉིད་དང་། ལས་ཀྱི་མཐའ་ཉེས་པར་བྱས་པ་ཉིད་དང་། བརྩོན་པ་བཏང་བ་ཉིད་དང་། བར་དུ་གཅོད་པ་རྣམས་ཐོས་ན་ཉམ་ང་བ་དང་། ཁེངས་པ་དང་། མི་མཐུན
413a3 པར་འཛིན་པ་ཉིད་དང་། བརྗེད་ངས་པ་ཉིད་དང་། བག་མེད་པ་དང་ཡུལ་དུ་མི་གནས་པ་དང་། དབང་པོ་རྣམས་ཀྱི་སྒོམ་བསྲུངས་པ་ཉིད་དང་། ཟས་ཀྱི་ཚོད་མི་རིག་པ་ཉིད་དང་། ནམ་གྱི་ཆ་སྟོད་དང་། ནམ?
413a4 གྱི་ཆ་སླད་ལ་མི་ཉལ་བར་སྦྱོར་བར་རྗེས་སུ་མི་བརྩོན་པ་ཉིད་དང་། དབེན་པ་ལ་མངོན་པར་མི་དགའ་བ་དང་། ཇི་ལྟ་བ་བཞིན་ལ་སོ་སོར་མི་རྟོག་པའོ།། ཚེ་དང་ལྡན་པ་དག་བར་དུ་གཅོད་པ་མ་བཅོམ་པ་དེ
413a5 དག་ཡང་དག་པར་འཇོམས་པར་འགྱུར་བའི་གཅེས་སྤྲས་བྱེད་པའི་ཆོས་ནི་བཅུ་གཅིག་སྟེ། འདི་ལྟ་སྟེ། འདུན་པ་ཐོབ་པ་དང་། ཕན་ཡོན་མཐོང་བ་ཉིད་དང་། མངོན་པར་སྤྲོ་བ་དང་། རྣམ་པར་འབྱེད་པ
413a6 དང་། རྒྱལ་བ་དང་། ཆོས་རྣམས་ཀྱི་མཚན་མའི་རྗེས་སུ་འབྲང་བ་དང་། བདག་ལ་མི་བརྙས་པ་དང་། གུས་པར་ཉན་པ་དང་། ཡོངས་སུ་འདྲི་བ་དང་། དབེན་པ་ལ་མངོན་པར་དགའ་བ་དང་། ཇི་ལྟ་བ་བཞིན་ལ
413a7 སོ་སོར་རྟོག་པའོ། ། ཚེ་དང་ལྡན་པ་དག་འཕགས་པ་ཉན་ཐོས་དེ་ལྟར་ཡང་དག་པར་ཚུལ་བཞིན་ཡིད་ལ་བྱེད་པའི་བདག་ཉིད་ཀྱི་གཅེས་སྤྲས་བྱེད་པའི་ཆོས་ཉི་ཤུ་སྟེ། འདི་ལྟ་སྟེ། བརྩོན་པ་དང་། བརྩོན་པ་དང་འགྲོགས
iiif viewer powered by OpenSeadragon
