| e-texts navigator |
| Wylie |
412b1 ཉིད་དང་། ཟས་ཀྱི་ཚོད་རིག་པ་ཉིད་དང་། དབེན་པ་ལ་མངོན་པར་དགའ་བ་དང་། ཇི་ལྟ་བ་བཞིན་དུ་ལས་སོ་སོར་རྟོགས་པའོ།། ཚེ་དང་ལྡན་པ་དག་མི་སྡུག་པའི་འདུ་ཤེས་ཀུན་ཏུ་བསྟེན་བསྒོམས་ལན་མང་དུ
412b2 བྱས་ན། འདོད་པའི་འདོད་ཆགས་སྤོང་བར་འགྱུར་རོ།། མི་རྟག་པའི་འདུ་ཤེས་ཀུན་ཏུ་བསྟན་བསྒོམས་ལན་མང་དུ་བྱས་ན། འདུ་བྱེད་སྤོང་བར་འགྱུར་རོ།། མི་རྟག་པ་ལ་སྡུག་བསྔལ་བའི་འདུ་ཤེས་ཀུན་ཏུ་བསྟེན
412b3 བསྒོམས་ལན་མང་དུ་བྱས་ན། ལེ་ལོ་དང་འགྱོད་པ་སྤོང་བར་འགྱུར་རོ།། སྡུག་བསྔལ་བ་ལ་བདག་མེད་པའི་འདུ་ཤེས་ཀུན་ཏུ་བསྟེན་བསྒོམས་ལན་མང་དུ་བྱས་ན། བདག་ཏུ་ལྟ་བ་སྤོང་བར་འགྱུར་རོ།། ཟས་ལ་མི
412b4 འཕྲོད་པའི་འདུ་ཤེས་ཀུན་ཏུ་བསྟེན་བསྒོམས་ལན་མང་དུ་བྱས་ན། རོ་ལ་སྲིད་པ་སྤོང་བར་འགྱུར་རོ།། འཇིག་རྟེན་ཐམས་ཅད་ལ་མངོན་པར་མི་དགའ་བའི་འདུ་ཤེས་ཀུན་ཏུ་བསྟེན་བསྒོམས་ལན་མང་དུ་བྱས་ན།
412b5 འཇིག་རྟེན་གྱི་སྣ་ཚོགས་དག་ལ་འདུན་པ་དང་། འདོད་ཆགས་ཀྱི་རྗེས་སུ་ཆགས་པ་སྤོང་བར་འགྱུར་རོ།། སྣ་བའི་འདུ་ཤེས་ཀུན་ཏུ་བསྟེན་བསྒོམས་ལན་མང་དུ་བྱས་ན། ཡེ་ཤེས་མཐོང་བར་འགྱུར་རོ།། འདོད་ཆགས
412b6 དང་བྲལ་བའི་འདུ་ཤེས་ཀུན་ཏུ་བསྟེན་བསྒོམས་ལན་མང་དུ་བྱས་ན། ཀུན་ཏུ་འདོད་ཆགས་པ་སྤོང་བར་འགྱུར་རོ།། འགོག་པའི་འདུ་ཤེས་ཀུན་ཏུ་བསྟེན་བསྒོམས་ལན་མང་དུ་བྱས་ན། ཕུང་པོ་ཟད་པར་འགྱུར་རོ།།
412b7 འཆི་བའི་འདུ་ཤེས་ཀུན་ཏུ་བསྟེན་བསྒོམས་ལན་མང་དུ་བྱས་ན། གསོན་པ་ལ་འཆུམས་པ་སྤོང་བར་འགྱུར་རོ།། ཚེ་དང་ལྡན་པ་དག་འཕགས་པ་ཉན་ཐོས་དེ་ལྟར་ཡང་དག་པར་ཚུལ་བཞིན་བྱེད་པའི་བདག་ཉིད
iiif viewer powered by OpenSeadragon
