| e-texts navigator |
| Wylie |
411b1 སྣང་བའི་འདུ་ཤེས་དང་། འདོད་ཆགས་དང་བྲལ་བའི་འདུ་ཤེས་དང་། འགོག་པའི་འདུ་ཤེས་དང་། འཆི་བའི་འདུ་ཤེས་དག་བསྒོམ་པར་བྱའོ།། ཚེ་དང་ལྡན་པ་དག་མི་སྡུག་པའི་འདུ་ཤེས་ཀྱི་བར་དུ་གཅོག
411b2 པའི་ཆོས་ནི་བཅུ་བཞི་སྟེ། འདི་ལྟ་སྟེ། བུད་མེད་དང་ལྷན་ཅིག་གནས་པ་དང་། དྲན་པ་གཡེངས་པས་བུད་མེད་ལ་ལྟ་བ་དང་། བག་མེད་པ་དང་། འདོད་ཆགས་ཤས་ཆེ་བ་ཉིད་དང་། སྡུག་པའི་མཚན
411b3 མའི་རྗེས་སུ་བརྩོན་པ་དང་། མི་གཙང་བ་ལ་སོ་སོར་མི་རྟོག་པ་དང་། ལས་ཀྱི་མཐའ་ལ་ཞུགས་པའི་གང་ཟག་དང་ལྷན་ཅིག་སྦྱོར་བ་དང་། དེ་དག་དང་མཐུན་པར་བྱེད་པ་དང་། གུས་པར་མི་ཉན
411b4 པ་དང་། ཡོངས་སུ་མི་འདྲི་བ་དང་། དབང་པོ་རྣམས་ཀྱི་སྒོ་མ་བསྲུངས་པ་དང་། ཟས་ཀྱི་ཚད་མི་རིག་པ་དང་། དབེན་པ་ལ་མངོན་པར་མི་དགའ་བ་དང་། ཇི་ལྟ་བ་བཞིན་ལ་སོ་སོར་མི་རྟོག།
411b5 པའོ།། མི་རྟག་པའི་འདུ་ཤེས་ཀྱི་བར་དུ་གཅོད་པ་ནི་འདུ་བྱེད་ལ་རྗེས་སུ་ཆགས་པའོ།། མི་རྟག་པ་ལ་སྡུག་བསྔལ་བའི་འདུ་ཤེས་ཀྱི་བར་དུ་གཅོད་པའི་ཆོས་ནི་དྲུག་སྟེ། འདི་ལྟ་སྟེ། ལེ་ལོ་དང་།
411b6 འགྱོད་པ་དང་། ཡལ་བ་དང་། བག་མེད་པ་དང་། མི་བརྩོན་པ་དང་། ཇི་ལྟ་བ་བཞིན་སོ་སོར་མི་རྟོག་པའོ།། སྡུག་བསྔལ་བ་ལ་བདག་མེད་པའི་འདུ་ཤེས་ཀྱི་བར་དུ་གཅོད་པ་ནི་བདག་ཏུ་ལྟ་བའོ།། ཟས་ལ
411b7 མི་འཕྲོད་པའི་འདུ་ཤེས་ཀྱི་བར་དུ་གཅོད་པ་ནི་རོ་ལ་སྲེད་པའོ། ། འཇིག་རྟེན་ཐམས་ཅད་ལ་མངོན་པར་མི་དགའ་བའི་འདུ་ཤེས་ཀྱི་བར་དུ་གཅོད་པ་ནི། འཇིག་རྟེན་གྱི་སྣ་ཚོགས་དག་ལ་འདུན་པ་དང་། འདོད
iiif viewer powered by OpenSeadragon
