| e-texts navigator |
| Wylie |
410b1 བར་འགྱུར་རོ། ། མྱ་ངན་ལས་འདས་པ་གཙོར་བྱ་བ་ལ་སེམས་མཆོག་ཏུ་དགའ་བ་དང་ཡི་རེངས་པ་སྐྱེ་བར་འགྱུར་རོ།། མྱ་ངན་ལས་འདས་པ་གཙོར་བྱ་བ་ཟང་ཟིང་མེད་པའི་དགའ་བ་སྐྱེ་བར་འགྱུར།
410b2 རོ།། མྱ་ངན་ལས་འདས་པ་གཙོར་བྱ་བ་ལ། ཉེ་བའི་ཉོན་མོངས་པ་རྣམས་སྤོང་ཞིང་། སེམས་མཉམ་པར་འཇོག་པ་དང་། སོམ་ཉི་རྣམས་སེལ་བ་དང་། ལྟ་བ་དྲང་པོར་བྱེད་པར་འགྱུར་རོ།།
410b3 མྱ་ངན་ལས་འདས་པ་གཙོར་བྱ་བ་ལ། སེམས་རྣལ་འབྱོར་དུ་འགྱུར་བ་དང་། རྟུལ་བ་དང་། རྗེས་སུ་བརྩོན་པ་དང་། སྤོང་བ་དང་། ནང་དུ་ཡང་དག་འཇོག་དང་དོན་གྱི་མཆོག་ཐོབ་པར་འགྱུར་རོ།། མྱ
410b4 ངན་ལས་འདས་པ་གཙོར་བྱ་བ་ལ། འདུ་བྱེད་ཐམས་ཅད་ཞི་བ་དང་། སྟོང་པ་ཉིད་དུ་དམིགས་པ་དང་། སྲིད་པ་ཟད་པ་དང་། འདོད་ཆགས་དང་བྲལ་བ་དང་། འགོག་པ་དང་། མྱ་ངན་ལས་འདས་པ་ལ
410b5 སེམས་རབ་ཏུ་འཇུག་ཅིང་དང་བ་དང་། ཡང་དག་པར་གནས་པ་དང་། རྣམ་པར་གྲོལ་བར་འགྱུར་རོ།། མྱ་ངན་ལས་འདས་པ་གཙེར་བྱ་བ་དང་། ཕུང་པོ་མི་རྟག་པ་ཉིད་དང་། ཕུང་པོ་གསོག་ཉིད་དང་། ཕུང
410b6 པོ་གསོ་བ་ཉིད་དང་། ཕུང་པོ་སྙིང་པོ་མེད་པ་ཉིད་དང་། ཕུང་པོ་འཇིག་པ་ཉིད་ལ་སེམས་རབ་ཏུ་འཇུག་ཅིང་དང་བ་དང་། ཡང་དག་པར་གནས་པ་དང་། རྣམ་པར་གྲོལ་བར་འགྱུར་རོ།། མྱ་ངན་ལས་འདས
410b7 པ་གཙོར་བྱ་བ་དང་། འཕགས་པའི་བདེན་པ་བཞི་ཤེས་པར་བྱ་བ་ལ་མིག་རྣམ་པར་དག་པར་འགྱུར་རོ།། མྱ་ངན་ལས་འདས་པ་གཙོར་བྱ་བ་ལ། རྣམ་པར་གྲོལ་བ་ཡོངས་སུ་རྫོགས་པར་འགྱུར་རོ།།
iiif viewer powered by OpenSeadragon
