| e-texts navigator |
| Wylie |
410a1 གཏམ་བྱ་སྟེ། འདི་ལྟ་སྟེ། དུས་སུ་དང་། གུས་པ་དང་། འཚམ་པ་དང་། མཚམས་འབྱོར་པ་དང་། རྗེས་སུ་འབྲེལ་བ་དང་། རི་མོ་དང་། འདོད་པ་དང་།
410a2 མགུ་བ་དང་། སྤྲོ་བ་དང་། མི་སྨོད་པ་དང་། རིགས་པ་དང་། འབྲེལ་པ་དང་། མ་འཆོལ་བ་དང་། ཇི་ལྟ་བ་བཞིན་གྱི་སེམས་དང་། ཕན་པ་དང་། ཕན་པའི་སེམས་དང་། སྙིང
410a3 བརྩེ་བའི་སེམས་དང་། རྙེད་པ་དང་། བཀུར་སྟི་དང་། ཚོགས་སུ་བཅད་པ་ལ་མི་བརྟེན་པར་བྱའོ།། གཏམ་དེ་དག་སྨྲ་བ་ན། བདག་ལ་བསྟོད་པར་མི་བྱ། གཞན་ལ་སྨད་པར་མི་བྱ་བར
410a4 གཏམ་བྱའོ། ། ཚེ་དང་ལྡན་པ་དག་ཆོས་ཉན་པར་འདོད་པས་རྣམ་པ་བཅུ་དྲུག་གིས་མཉན་པར་བྱ་སྟེ། འདི་ལྟ་སྟེ། དུས་སུ་ཆོས་མཉན་པར་བྱ་བ་དང་། བཀུར་སྟི་བྱ་བ་དང་། གུས་པར་ཉན་པ
410a5 དང་། མ་རངས་པ་མེད་པ་དང་། བསྒོ་བ་བཞིན་ཉན་པ་དང་། ཀླན་ཀ་མི་ཚོལ་བ་དང་། ཆོས་ལ་གུས་པར་བྱ་བ་དང་། ཆོས་སྨྲ་བའི་གང་ཟག་ལ་གུས་པར་བྱ་བ་དང་། ཆོས་ལ་མི་བརྙས
410a6 པ་དང་། ཆོས་སྨྲ་བའི་གང་ཟག་ལ་མི་བརྙས་པ་དང་། བདག་ལ་མི་བརྙས་པ་དང་། རྩེ་གཅིག་པའི་སེམས་དང་། ཀུན་ཤེས་པར་བྱ་བའི་སེམས་དང་། རྣ་བླགས་ཏེ་མཉན་པ་དང་། སེམས
410a7 བསྡུས་པ་དང་། སེམས་ཐམས་ཅད་ཀྱིས་བསམས་ཏེ་ཆོས་མཉན་པར་བྱའོ།། དེ་དེ་ལྟར་ཆོས་ཡང་དག་པར་ཉན་པ་དང་། མྱ་ངན་ལས་འདས་པ་གཙོར་བྱ་བ་ལ་དད་ཅིང་སེམས་དང་བསྐྱེ
iiif viewer powered by OpenSeadragon
