| e-texts navigator |
| Wylie |
405a1 རྗེས་སུ་དྲན་པ་རྣམ་པར་གཞག་པའི་དོན་གྱི་སྤྱོད་པ་ཞེས་བྱ་བ་ནི། འཁར་བ་འདི་རིམ་པ་གསུམ་དང་ལྡན་པར་དུམ་བུ་གསུམ་གྱི་རིམ་པ་མཐོང་བ་ཉིད་ཀྱིས་ངན་སོང་གསུམ་གྱི་སྡུག་བསྔལ་རྗེས
405a2 སུ་དྲན་ནས། ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་སྒོམ་པར་བྱེད་པ་དང་། གནོད་པ་གསུམ་པོ་རྒ་བ་དང་། ན་བ་དང་། འཆི་བ་རྗེས་སུ་དྲན་ནས། དུག་གསུམ་པོ་འདོད་ཆགས་དང་། ཞེ་སྡང་དང་།
405a3 གཏི་མུག་ཡོངས་སུ་སེལ་བར་བྱེད་པ་དང་། ཁམས་གསུམ་པོ་དག་མི་རྟག་པ་ཡིན་པ་ཉིད་དུ་རྗེས་སུ་དྲན་ནས། དཀོན་མཆོག་གསུམ་ལ་མངོན་པར་ཡིད་ཆེས་ཤིང་གུས་པ་དང་། སྲིད་པ་གསུམ་གསལ་བ་དང་།
405a4 དག་པ་གཙང་བ་དང་། ལས་རྣམ་གསུམ་རྣམ་པར་སྦྱང་བ་དང་། རིག་པ་གསུམ་དང་ལྡན་པར་མི་འདོད་པ་དང་། རྣམ་པར་ཐར་པ་གསུམ་ལ་འཇུག་པ་དང་། རྗེས་སུ་དྲན་པ་དྲུག་གི་གནས་གསུམ་ཐོབ་པ་དང་། ཡེ
405a5 ཤེས་ཐག་རིང་དུ་བྱེད་པ་གསུམ་རྟོགས་པར་འགྱུར་བའི་ཕྱིར་དུམ་བུ་གསུམ་རིམ་པར་རྣམ་པར་གཞག་པ་ཡིན་ནོ། ། གཞན་ཡང་བཞི་གྲལ་དུ་བྱས་པ་ནི། སྐྱེ་བ་རྣམ་པ་བཞི་ཡོངས་སུ་བཅད་པ་དང་། བདེན་པ་བཞི
405a6 རྗེས་སུ་དྲན་པར་བྱ་བ་དང་། ཚད་མེད་པ་བཞི་བསྒོམ་པ་དང་། བསམ་གཏན་བཞི་ལ་འཇུག་པར་བྱ་བ་དང་། སྙོམས་པར་འཇུག་པ་བཞི་ཡོངས་སུ་དག་པར་བྱ་བ་དང་། དྲན་པ་ཉེ་བར་གཞག་པ་བཞི་རབ་ཏུ་བསྟན་པ་དང་།
405a7 ཡང་དག་པའི་སྤོང་བ་བཞི་བརྟན་པར་བྱ་བ་དང་། ཏིང་ངེ་འཛིན་གྱི་རྐང་པ་བཞི་ཐོབ་པར་བྱ་བའི་ཕྱིར། བཞི་གྲལ་དུ་རྣམ་པར་གཞག་པ་ཡིན་ནོ།། དབུས་ཀྱི་ཤིང་གཏོགས་པར་རྣམ་པ་ལྔར་གཞག་པ་ནི་ལྟ་བ་ལྔ་པོ་དག་སྤང་བ་དང་། འགྲོ
iiif viewer powered by OpenSeadragon
