| e-texts navigator |
| Wylie |
403b1 རྒྱལ་མེད་པར་བྱེད་པ་ཞེས་བྱའོ། ། འཁར་གསིལ་ཞེས་བྱ་བ་ནི་རྒྱང་བསྲིངས་པ་ཡིན་ཏེ། གང་འཁར་གསིལ་འདི་འཛིན་པའི་གང་ཟག་གང་ཡིན་པ་དེ་དག་འདོད་པ་ལྔ་ཐག་རིང་དུ་བྱེད་པ་དེ་དག་འདོད་པས་སྲེད་པའི་ཀུན་ནས
403b2 དཀྲིས་པ་སྤོང་བ་དང་། ཕུང་པོ་ལྔ་པོ་རྣམས་རྣམ་པར་འཐོར་བ་དང་། སྲིད་པ་ལྔ་པོ་དག་ཡོངས་སུ་སྤོང་བ་དང་། མྱ་ངན་ལས་འདས་པ་ལ་ཕྱོགས་ཤིང་འདུ་བྱེད་ཀྱི་ལས་ཀྱང་རིང་དུ་སྤོང་བའི་ཕྱིར་རྒྱང་བསྲིངས་པ་ཞེས་བྱའོ།།
403b3 འཁར་གསིལ་ཞེས་བྱ་བ་ནི་ལེན་པར་བྱེད་པ་ཡིན་ཏེ། གང་འཁར་གསིལ་འཛིན་པར་བྱེད་པ་དེ་དག་སངས་རྒྱས་རྣམས་ཀྱི་ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་རིན་པོ་ཆེ་བླངས་པས་རྣམ་པར་གྲོལ་བ་ཐོབ་པར
403b4 འགྱུར་བའི་ཕྱིར་ལེན་པར་བྱེད་པ་ཞེས་བྱའོ། ། འཁར་གསིལ་ཞེས་བྱ་བ་ནི་ཡོངས་སུ་སྒྲུབ་པར་འགྱུར་བ་ཡིན་ཏེ། གང་འཁར་གསིལ་འཛིན་པ་དག་སངས་རྒྱས་རྣམས་ཀྱི་ཆོས་ཀྱི་སྡེ་སྣོད་མངོན་པར་སྒྲུབ་པ་དང་། ཇི་ལྟར་སྟེན
403b5 པབ་བསྒྲུབས་པས་མ་ཉམས་པར་ཕུན་སུམ་ཚོགས་པར་འགྱུར་བའི་ཕྱིར་མངོན་པར་འགྲུབ་པར་འགྱུར་བ་ཞེས་བྱའོ། ། བཅོམ་ལྡན་འདས་ཀྱིས་བཀའ་སྩལ་པ། འོད་སྲུངས་འཁར་གསིལ་ཞེས་བྱ་བའི་ཡི་གེའི་དོན་རྒྱ་ཆེ་ཞིང་མང
403b6 བས་ཡོངས་སུ་རྫོགས་པར་བརྗོད་མི་ནུས་ཀྱང་། ཁྱེད་ཀྱིས་རེ་ཞིག་དེ་བཞིན་དུ་ཡོངས་སུ་གཟུང་བར་བྱའོ།། བཅོམ་ལྡན་འདས་ལ། འོད་སྲུངས་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་འཁར་གསིལ་ཞེས་བྱ་བའི།
403b7 དོན་ནི་དེ་ལྟ་བུ་ལགས་ན། ཅིའི་སླད་དུ་ཡེ་ཤེས་ཀྱི་འཁར་བ་ཞེས་བགྱི་བ་ནས། དྲན་པར་གཞག་པའི་དོན་གྱི་སྤྱོད་པ་ཞེས་བགྱི་བའི་བར་གྱི་དོན་གང་ལགས་པ་བཅོམ་ལྡན་འདས་ཀྱིས་བཀས་བཤད་དུ་གསོལ།
iiif viewer powered by OpenSeadragon
