| e-texts navigator |
| Wylie |
402b1 དགེ་སློང་རྣམས་ལ་བཀའ་སྩལ་པ། ཁྱེད་ཀྱིས་འཁར་གསིལ་འདི་ཡོངས་སུ་བཅང་བར་བྱ་སྟེ། དེ་ཅིའི་ཕྱིར་ཞེ་ན། འདས་པའི་སངས་རྒྱས་རྣམས་ཀྱིས་ཀྱང་འཁར་གསིལ་འདི་བསྣམས་སོ།། མ་བྱོན་པའི་སངས་རྒྱས
402b2 རྣམས་ཀྱིས་ཀྱང་འཁར་གསིལ་འདི་བསྣམས་སོ། ། ད་ལྟར་གྱི་སངས་རྒྱས་རྣམས་ཀྱིས་ཀྱང་འཁར་གསིལ་འདི་བསྣམས་པ་ཡིན་ཏེ། ང་ད་ལྟར་མངོན་པར་རྫོགས་པར་སངས་རྒྱས་ནས། འཁར་གསིལ་བསྣམས་པ་དེ་བཞིན།།
402b3 དུ། འདས་པ་དང་། མ་བྱོན་པ་དང་། ད་ལྟར་བཞུགས་པའི་སངས་རྒྱས་རྣམས་ཀྱིས་ཀྱང་ཉན་ཐོས་རྣམས་ལ་འཁར་གསིལ་བཅང་བར་བྱའོ་ཞེས་སྟོན་པར་མཛད་པས། དེང་མངོན་པར་རྫོགས་པར་སངས་རྒྱས་ནས་ཀྱང
402b4 སངས་རྒྱས་རྣམས་ཀྱི་ཆོས་ཇི་ལྟ་བ་བཞིན་དུ་ཁྱེད་ལ་བསྟན་པ་ཡིན་གྱིས། ཁྱེད་ཀྱིས་ཀྱང་འཁར་གསིལ་བཅང་བར་བྱའོ།། དེ་ཅིའི་ཕྱིར་ཞེ་ན། འཁར་གསིལ་ཞེས་བྱ་བ་ནི། ཡེ་ཤེས་ཀྱི་འཁར་བ་ཞེས་ཀྱང་བྱའོ།།
402b5 ཡོན་ཏན་གྱི་འཁར་བ་ཞེས་ཀྱང་བྱ་སྟེ། འཕགས་པའི་ཡེ་ཤེས་རབ་ཏུ་སྟོན་པའི་ཕྱིར་ཡེ་ཤེས་ཀྱི་འཁར་བ་ཞེས་བྱའོ།། ཡོན་ཏན་གྱི་གཞི་སྒྲུབ་པའི་ཕྱིར་ཡོན་ཏན་གྱི་འཁར་བ་ཞེས་བྱའོ།། འཁར་གསིལ་འདི་ནི
402b6 འཕགས་པའི་གང་ཟག་གི་རིགས་ཅན་སྐྱེས་བུ་དམ་པར་མཚོན་པའི་ལམ་གྱི་ཆོས་ལ་ཕྱོགས་པའི་རྒྱལ་མཚན་རྗེས་སུ་དྲན་པ་རྣམ་པར་གཞག་པའི་དོན་གྱི་སྤྱོད་པ་ཡིན་པས། དེའི་ཕྱིར་ཁྱོད་ཀྱིས་ཆོས་བཞིན་དུ
402b7 བཅང་བར་བྱའོ། ། དེ་ནས་ཚེ་དང་ལྡན་པ་འོད་སྲུངས་ཆེན་པོ་སྟན་ལས་ལངས་ཏེ། གོས་ཚགས་བཅོས་ནས། བླ་གོས་ཕྲག་པ་གཅིག་ཏུ་གཟར་ཏེ་ཐལ་མོ་སྦྱར་ནས་པུས་མོས་བཙུགས་ཏེ།
iiif viewer powered by OpenSeadragon
