| e-texts navigator |
| Wylie |
400a1 བདེ་འགྲོར་མཆིས། ། སྐྱེ་བོ་གང་ཞིག་མཐོ་རིས་སྐྱེ།། གང་ཞིག་ཉིན་དང་མཚན་རྣམས་སུ།། རྟག་ཏུ་བསོད་ནམས་འཕེལ་བར་འགྱུར།། ལྷ་རྣམས་ཀྱི་དབང་པོ་བརྒྱ་བྱིན་གྱིས་དེ་སྐད་ཅེས
400a2 ཚིགས་སུ་བཅད་པའི་དབྱངས་ཀྱིས་ཞུ་བ་ཞུས་པ་དང་། ཚིགས་སུ་བཅད་པའི་དབྱངས་ཉིད་ཀྱིས་ཞུས་པའི་ལན་གསུངས་པ། ཀུན་དགའ་ར་བ་ནགས་ཚལ་སྐྱེད།། སྐྱེ་བོ་གང་ཞིག་ཟམ་པ་བྱེད།། ཆུ་སྟེང་ཁང་དང་ཆུ
400a3 མིག་དང་། ། གང་ཞིག་ངལ་བསོ་གནས་སྟེར་དང་།། དད་དང་ཚུལ་ཁྲིམས་ཕུན་ཚོགས་ལྡན།། མཁས་ཤིང་སེར་སྣ་དང་བྲལ་ཞིང་།། འདོད་པ་ཀུན་ལ་མ་ཆགས་ན།། རྟག་ཏུ་སེམས་ཅན་ཕན་བརྩོན་པའི།། སྐྱེ་བོ་དེ་ནི་བདེ་འགྲོར
400a4 འགྲོ། ། སྐྱེ་བོ་དེ་ནི་མཐོ་རིས་སྐྱེ།། དེ་ནི་ཉིན་དང་མཚན་རྣམས་སུ།། རྟག་ཏུ་བསོད་ནམས་འཕེལ་བར་འགྱུར།། སེར་སྣ་དང་ལྡན་ལྟར་མི་འགྲོ།། བྱིས་དེ་སྦྱིན་པ་སྟེར་མི་བྱེད།། བརྟན་རྣམས་སྦྱིན་པ་ཡི་རང་བ།།
400a5 དེས་འདི་གཞན་དུ་བདེ་བར་འགྱུར།། ཞིང་གི་སྐྱོན་ནི་རྩཝ་ཡིན་ལྟར།། སྐྱེས་བུ་འདི་ལ་འདོད་ཆགས་སྐྱོན།། དེ་བས་ཆགས་དང་བྲལ་རྣམས་ལ།། བྱིན་དང་འབྲས་བུ་ཆེན་པོར་འགྱུར།། གང་ཞིག་སངས་རྒྱས་ཆོས་རྣམས་དང་།།
400a6 དགེ་འདུན་དག་དང་མཆོད་རྟེན་དང་།། སྐྱེས་པའམ་ཡང་ན་བུད་མེད་དག། ཚུལ་ཁྲིམས་ལྡན་པའི་མི་ལ་བྱིན།། གང་དང་གང་དུ་སྐྱེ་འགྱུར་བ།། ཇི་ལྟར་མི་ཡི་རྒྱལ་པོ་བཞིན།། ལྷ་རྣམས་ཀྱི་ནི་མཆོག་འགྱུར་ཞིང་།། ལྷག་པའི
400a7 རྒྱལ་པོ་བྱེད་པར་འགྱུར། ། འཁོར་བར་ཡོངས་སུ་འཁོར་བ་ན།། སྦྱིན་པ་མ་གཏོགས་གཉེན་མེད་པས།། བློ་ལྡན་ཕུན་ཚོགས་འདོད་པ་ཡིས།། རབ་ཏུ་འབད་དེ་སྦྱིན་པ་བྱིན།། གང་ཞིག་མདའ་རྒྱང་གང་ཙམ་ཞིག། ས་འདི
iiif viewer powered by OpenSeadragon
