| e-texts navigator |
| Wylie |
417a1 རྟག་ཏུ་སངས་རྒྱས་བཅོམ་ལྡན་འདས་རྣམས་དང་མི་འབྲལ་བར་འགྱུར་ཞིང་། འཇིག་རྟེན་གྱི་ཁམས་གཞན་དག་ན་བཞུགས་པའི་སངས་རྒྱས་བཅོམ་ལྡན་འདས་རྣམས་དང་། བྱང་ཆུབ་སེམས
417a2 དཔའ་སེམས་དཔའ་ཆེན་པོ་རྣམས་ཀྱིས་ཀྱང་དེ་དག་ལ་སྟོན་པར་མཛད་ཅིང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་སྟོན་པར་ཡང་འགྱུར་རོ། ། དེ་ནས་བཅོམ་ལྡན་འདས་ཀྱིས། ཚེ་དང་ལྡན་པ་ཀུན་དགའ་བོ་ལ་བཀའ་སྩལ
417a3 པ་ཀུན་དགའ་བོ་ཆོས་ཀྱི་རྣམ་གྲངས་འདི་ཐོས་པ་དེ་ནི་སངས་རྒྱས་འབྱུང་བ་དང་འདྲ་བ་ཡིན་གྱི། ཀུན་དགའ་བོ་ཁྱོད་ཀྱིས་ཆོས་ཀྱི་རྣམ་གྲངས་འདི་ཟུང་ཞིག། གཞན་དག་ལའང་རྒྱ་ཆེར་སྟོན་ཅིག། ཀུན་དགའ་བོས་གསོལ་པ། བཅོམ་ལྡན
417a4 འདས་ཆོས་ཀྱི་རྣམ་གྲངས་འདིའི་མིང་ཅི་ཞེས་བགྱི། འདི་ཇི་ལྟར་གཟུང་བར་བགྱི། འདིའི་མིང་ཇི་སྐད་བསྟན་པར་བགྱི་ལགས། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་ཆོས་ཀྱི་རྣམ་གྲངས་འདི་ལྷའི་བུ་རབ་རྩལ་སེམས
417a5 ཀྱིས་ཞུས་པ་ཞེས་བྱ་བ་དང་། འཇམས་པལ་གྱིས་བསྟན་པ་ཆོས་ཐམས་ཅད་རྣམ་པར་གཏན་ལ་དབབ་པ་བསྟན་པ་ཞེས་བྱ་བར་ཡང་ཟུང་ཞིག། དེ་ནས་འཁོར་དེ་དག་གིས་ཆོས་ཀྱི་རྣམ་གྲངས་འདིའི་མིང་ཐོས་ནས་ཐལ་མོ་སྦྱར་ཏེ། བཅོམ
417a6 ལྡན་འདས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་བདག་ཅག་གིས་འཇམ་དཔལ་གཞོན་ནུར་གྱུར་པས་ཆོས་བསྟན་པ་མང་དུ་ཐོས་ལགས་ན། ཇི་ལྟར་ཆོས་ཀྱི་རྣམ་གྲངས་འདི་རབ་ཏུ་རྣམ་པར་ཕྱེ་སྟེ་རྒྱ་ཆེར་བསྟན་པ
417a7 དང་། དེ་ལྟ་བུའི་ཆོས་ནི་ནམ་ཡང་མ་བྱུང་ལགས་སོ།། བདག་ཅག་གིས་ཀྱང་ཆོས་ཀྱི་རྣམ་གྲངས་ལ་དགའ་བ་འདི་ལྟ་བུ་ཐོབ་པ་ནི་སྔོན་མ་མྱོང་ལགས་ཏེ། དེ་ལྟ་ལགས་པས། བཅོམ་ལྡན་འདས་ཡོངས་སུ་མྱ་ངན་ལས་འདས
iiif viewer powered by OpenSeadragon
