| e-texts navigator |
| Wylie |
416b1 པ་ལ་དོན་འདི་ཡོངས་སུ་འདྲི་བར་སེམས་པ་ནི་ལེགས་སོ་ལེགས་སོ། ། བྱམས་པ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཞིག་དང་། ངས་ཁྱོད་ལ་བཤད་པར་བྱའོ།། བྱམས་པ་ནན་གྱིས་དཔེར་ན། ལྷ་དང་མི་རྣམ
416b2 ཀྱི་སྐྱེ་དགྲ་ལས་ལྷ་འམ། མི་གང་ཞིག་གིས་སངས་རྒྱས་བཅོམ་ལྡན་འདས་འཁོར་གངྒཱའི་ཀླུང་གི་བྱེ་མ་སྙེད་དང་བཅས་པ་གངྒཱའི་ཀླུང་གི་བྱེ་མ་སྙེད་ཅིག་ལ་བསྐལ་པ་གངྒཱའི་ཀླུང་གི་བྱེ་མ་སྙེད་དུ་བདེ་བའི་ཡོ་བྱད་ཐམ་ཅད་ཀྱིས
416b3 བསྙེན་བཀུར་བྱས་པར་གྱུར་པ་དེ་བས་ནི། གང་གིས་མདོ་སྡེ་ལེགས་པར་གསུངས་པ་འདི་ཡི་གེར་བྲིས་ཏེ་འཛིན་པ་དང་། ཀློག་པ་དང་། དེ་བཞིན་དུ་སྒྲུབ་པར་བྱེད་པ་དང་། གཞན་དག་ལ་སྟོན་པར་བྱེད་པ་དེ་ཆེས་བསོད་ནམས
416b4 མང་དུ་སྐྱེད་པར་འགྱུར་ཏེ། བྱང་ཆུབ་མངོན་པར་རྫོག་པར་འཚང་རྒྱ་བའི་ཕྱིར་རིང་པོ་མི་ཐོགས་པར་བྱང་ཆུབ་ཀྱི་སྙིང་པོར་ཉེ་བར་འགྲོ་བར་ཡང་འགྱུར་རོ།། བྱམས་པ་ང་ནི་གང་དག་གིས་མདོ་སྡེ་འདི་ཐོས་ནས་སྤོང་བར་མི་བྱེད
416b5 ཅིང་མོས་པར་བྱེད་པ་དང་། ཐ་ན་གླེགས་བམ་དུ་འདྲི་བར་བྱེད་པ་དེ་དག་ཀྱང་མོས་པ་ཇི་ལྟ་བ་བཞིན་དུ་ཕྱིར་མི་ལྡོག་པ་ཉིད་དུ་ལུང་སྟོན་ཏོ།། བྱམས་པ་ང་ནི་གང་དག་གིས་མདོ་སྡེ་ཟབ་མོ་འདི་ལྟ་བུ་འདིའི་མིང་ཙམ་ཐོས་པ་དེ་དག
416b6 ཀྱང་འབྲས་བུ་ཡོད་པར་ལུང་སྟོན་པར་བྱེད་ན། གང་དག་མོས་པ་དང་། ཡི་གེར་འདྲི་བ་དང་།། ཀློག་པ་དང་། གཞན་དག་ལའང་སྟོན་པར་བྱེད་པ་དག་ལ་ལྟ་སྨོས་ཀྱང་ཅི་དགོས། གང་དག་མདོ་སྡེ་འདི་ཡི་གེར་འདྲི་བ་དང་།།
416b7 ལུང་སྟོན་པ་དང་། ཁ་ཏོན་བྱེད་པ་དང་། ཀློག་པ་དང་།། དེ་བཞིན་ཉིད་དུ་སྒྲུབ་པར་བྱེད་པ་དེ་དག་གིས་སངས་རྒྱས་བཅོམ་ལྡན་འདས་དང་ལྷན་ཅིག་ཏུ་གཏམ་འདྲེ་བར་བྱེད་པ་དང་། ཕེབས་པར་སྨྲ་བར་བྱེད་པར་འགྱུར་ཏེ། དེ་དག་ནི
iiif viewer powered by OpenSeadragon
