| e-texts navigator |
| Wylie |
416a1 ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མས་ཡ་ཕྲག་གཉིས་ཀྱིས་ནི་བྱང་ཆུབ་ཏུ་སེམས
416a2 བསྐྱེད་དོ། ། འདི་ན་གནས་པ་དང་། འཇིག་རྟེན་གྱི་ཁམས་གཞན་དག་ནས་འདུས་པའི་བྱང་ཆུབ་སེམས་དཔའ་ལྔ་འབུམ་གྱིས་ནི་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ།། བྱང་ཆུབ་སེམས་དཔའ་བསམ་པ་ཐ
416a3 དད་པ་ཉིས་སྟོང་ཙམ་གྱིས་ནི་གཟུངས་སྣ་ཚོགས་སོ་སོར་ཐོབ་པར་གྱུར་ཏོ། ། བྱང་ཆུབ་སེམས་དཔའ་འབུམ་གྱིས་ནི་གཟུངས་དྲི་མ་མེད་པ་སོ་སོར་ཐོབ་པར་གྱུར་ཏོ།། དེ་དག་ལས་བྱང་ཆུབ་སེམས་དཔའ་མང་པོ་དག་བྱང
416a4 ཆུབ་སེམས་དཔའ་བྱམས་པ་ཁྱོད་ཀྱིས་བྱང་ཆུབ་ཐོབ་པའི་དམ་པའི་ཆོས་ཡོངས་སུ་འཛིན་པར་འགྱུར་ཞིང་མདོ་སྡེ་ཟབ་མོ་འདི་ལྟ་བུ་དག་གནོད་པ་དང་། སྟོན་པ་དང་། འཛིན་པ་དང་། ཀློག་པར་ཡང་འགྱུར་ཏེ། དེ་དག་ནི་བྱམས་པ།
416a5 ཁྱོད་ཉིད་ཀྱིས་བྱང་ཆུབ་ཏུ་ལུང་སྟོན་པར་འགྱུར་རོ།། དེ་ནས་བཅོམ་ལྡན་འདས་ལ། བྱང་ཆུབ་སེམས་དཔའ་བྱམས་པས་འདི་སྐད་ཅེས་གསོལ་ཏོ།། བཅོམ་ལྡན་འདས་རིགས་ཀྱི་བུ་འམ། རིགས་ཀྱི་བུ་མོ་གང་དག་མདོ་སྡེ་འཛིན་པ
416a6 དང་། ཀློག་པ་དང་། སྟོན་པ་དང་། ཡི་གེར་འདྲི་བ་དང་། དམ་པའི་ཆོས་ཡུན་རིང་དུ་གནས་པར་བགྱི་བའི་སླད་དུ།། གླེགས་པམ་དུ་བགྱིས་ཏེ་འཆང་བ་དང་། ཐན་ལན་འགའ་ཞིག་ཉན་པར་བགྱིད་པ་དང་། རྣལམ་དུ་གྲགས་པར
416a7 བགྱིད་པ་དེ་དག་བསོད་ནམས་ཇི་ཙམ་སྐྱེད་པར་འགྱུར་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། བྱང་ཆུབ་སེམས་དཔའ་བྱམས་པ་ལ་འདི་སྐད་ཅེས་བཀའ་སྩལ་ཏོ།། བྱམས་པ་ཁྱོད་དེ་བཞིན་གཤེགས
iiif viewer powered by OpenSeadragon
