| e-texts navigator |
| Wylie |
414b1 ཁྲི་ཡང་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ།། སྲོག་ཆགས་དང་། དགེ་སློང་དང་། དགེ་སློང་མ་དང་། དགེ་བསྙེན་དང་ངག་བསྙེན་མ་ཉི་ཁྲི་ཡང་ལེན་པ་མེད་པར་ཟག་པ་རྣམས་ལས་སེམ་རྣམ
414b2 པར་གྲོལ་ལོ། ། བྱང་ཆུབ་སེམས་དཔའ་སྔོན་དགེ་བའི་རྩ་བ་བསྐྱེད་པ་བདུན་ཁྲི་ཉིས་སྟོང་གིས་ནི་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ།། ཐམས་ཅད་དང་ལྡན་པའི་འཁོར་རྣམས་ཀྱང་དགའ་བ་དང་། མགུ་བ་དང་།
414b3 ཡི་རངས་པ་དང་། རབ་ཏུ་དགའ་བ་དང་། དགའ་བ་དང་། ཡིད་བདེ་བ་སྐྱེས་ནས། ཆེད་དུ་རྗོད་པ་འདི་ཆེད་དུ་བརྗོད་དོ།། ཨེ་མའོ་ཀུན་ནས་ཡོངས་སུ་གྲོལ་བ་ཡི།། དམིགས་མེད་ཆོས་ནི་ལེགས་པར་བཤད།། འཇམ
414b4 དཔལ་གཞོན་ནུར་གྱུར་པ་ཡིས། ། ཤིན་ཏུ་ལེགས་པར་བཤད་པ་བྱས།། དེ་ནས་བྱང་ཆུབ་སེམས་དཔའ་དེ་དག་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང
414b5 མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་དེ་དག་གིས་ལྷ་དང་མིའི་མཆོད་པ་དག་བྱས་ཏེ། སྟེང་གི་བར་སྣང་ལས་ཀྱང་ལྷའི་མེ་ཏོག་གི་ཆར་དག་ཀྱང་ཕབ། རིན་པོ་ཆེའི་ཆར་དག་ཀྱང
414b6 ཕབ། གོས་ཀྱི་ཆར་དག་ཀྱང་ཕབ། བདུག་སྤོས་ཀྱི་ཆར་དག་དང་། སྤོས་ཆུའི་ཆར་དག་དང་། ཕྱེ་མའི་ཆར་དག་ཀྱང་ཕབ་བོ།། ལྷའི་བུ་རྣམས་ཀྱིས་སྟེང་གི་བར་སྣང་ལས་ལྷའི་སིལ་སྙན་བརྒྱ་སྟོང་དག
414b7 ཀྱང་རབ་ཏུ་གསིལ་བར་གྱུར་ཏོ། ། དགེ་བསྙེན་དང་། དགེ་བསྙེན་མ་རྣམས་དང་། རྒྱལ་པོ་གསལ་རྒྱལ་གྱིས་ཀྱང་རང་རང་གི་འབྱོར་པ་ཅི་བདོག་པ་དག་གིས་བཅོམ་ལྡན་འདས་དང
iiif viewer powered by OpenSeadragon
