| e-texts navigator |
| Wylie |
90a1 གཙོ་བོ་ནི་སངས་རྒྱས་བྱམས་པ་ཞེས་བྱའོ། ། དེ་བས་ན་ཁྱེད་རྣམས་ཀྱང་དེ་བཞིན་དུ་ཕྱོགས་བཅུ་དུས་གསུམ་གྱི་སངས་རྒྱས་ཀྱི་མཚན་བརྗོད་ཅིང་ཕྱག་འཚལ་བའི་རིགས་སོ།།
90a2 ཁྱེད་རྣམས་མ་འོངས་པའི་དུས་ན་ཚོགས་མང་པོ་རྣམས་ལ་ཆོས་སྟོན་པ་རྒྱ་ཆེར་བྱེད་ཅིང་། མཐའ་མེད་པའི་སེམས་ཅན་རྣམས་ལ་ཕན་བཏགས་ཏེ། ཁམས་གསུམ་ནས་བཟླས་ཤིང་ཞི་བ་དང་དབེན་པའི་གནས
90a3 སུ་དཀྱིལ་འཁོར་གྱིས་ལ། ང་དང་འདྲ་བར་བྱོས་ཤིག། དེ་ནས་བྱང་ཆུབ་སེམས་དཔའ་གཟུང་འཛིན་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས
90a4 ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་ཞིང་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ཆོས་ཀྱི་རྣམ་གྲངས་འདིའི་མིང་ཅི་ལགས། ཇི་ལྟར
90a5 གཟུང་བར་བགྱི། ཇི་ལྟར་སྒོམ་ཞིང་སྤྱད་པར་བགྱི། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། རིག་ཀྱི་བུ་ཆོས་ཀྱི་རྣམ་གྲངས་འདིའི་མིང་ནི་སྡོམ་པ་ལྕི་བ་རྣམས་ལ་ཕན་འདོགས
90a6 པའོ་ཞེས་བྱ་བར་ཟུང་ཞིག། རྡོ་རྗེ་རིན་པོ་ཆེའི་སྙིང་པོ་ཞེས་བྱ་བར་ཟུང་ཞིག། དེ་སྣོད་ཀྱི་སྒོ་དཔག་ཏུ་མེད་པའོ་ཞེས་བྱ་བར་ཟུང་ཞིག། ཐམས་ཅད་ཀུན་ཏུ་བསྡུས་པའོ་ཞེས་བྱ་བར་ཟུང་ཞིག།
90a7 རྒྱལ་པོ་ཆེན་པོ་དཔེ་ཟླ་མེད་པའོ་ཞེས་བྱ་བར་ཟུང་ཞིག། མི་སུམ་སྟོང་སངས་རྒྱས་སུ་གྲུབ་པར་རྣམ་པར་བཀོད་པ་ཞེས་བྱ་བར་ཟུང་ཞིག། འགྱོད་ཚངས་ཀྱི་སྡིག་སྦྱངས་ཏེ། བསོད་ནམས་ཐོབ་པའོ།
iiif viewer powered by OpenSeadragon
