| e-texts navigator |
| Wylie |
89b1 རྒྱས་པ་ཡིན་ནོ། ། རིགས་ཀྱི་བུ་རྩ་བ་བཞི་དང་། མཚམས་མེད་པའི་སྡིག་ལྕི་བ་དང་། མཉམ་པ་ཉིད་ལ་སྐུར་པ་དང་། ལོག་སྤྱོད་ཀྱི་བར་དུ་སྡིག་འབྱང་བར་འདོད་ན། དད་པའི་སེམས་ཀྱི་དབང་དུ་འགོ་བར
89b2 བྱའོ། ། རིགས་ཀྱི་བུ་ཡང་འདི་ལྟ་སྟེ། གང་ལ་ལས་མ་དད་ཅིང་མགུས་པས། མདོ་སྡེ་བཅུ་གཉིས་ལ་སྐུར་ཅིང་དབང་བཟས་པ་དང་། རྡོ་རྗེའི་སྐུ་དང་། སྐྱེས་བུ་དམ་པ་འཇམ་དཔལ་དང་། ཕྱོགས་བཅུའི
89b3 རྒྱལ་བ་རྣམས་ལ་སྐུར་ཅིང་དབང་བཟའ་བའི་རྣམས་གདོན་མི་ཟ་བར་སེམས་ཅན་དམྱལ་བར་ལྟུང་སྟེ་བརྫུན་པ་མ་ཡིན་ནོ། ། དེ་ཅིའི་ཕྱིར་ཞེ་ན། དེ་མ་དད་པའི་ཕྱིར་རོ།། དམ་པའི་ཆོས་ལ་སྐུར་བའི་ཕྱིར་རོ།།
89b4 བླ་མ་རྣམས་ལ་བསྐོས་པའི་ཕྱིར་རོ།། ཕྱོགས་བཅུ་དུས་གསུམ་གྱི་སངས་རྒྱས་ལ་སྨད་པའི་ཕྱིར་ཏེ། ངེས་པར་དམྱལ་བར་ལྷུང་ངོ་།། སངས་རྒྱས་ཀྱི་མཚན་འདི་དག་ལ་དད་ཅིང་སེམས་ཐག་པ་ནས
89b5 ཕྱག་འཚལ་ན། མི་དགེ་བ་བཅུ་དང་། མཚམས་མེད་པ་ལྔ་དང་། མཉམ་པ་ཉིད་ལ་སྐུར་པའི་སྡིག་ལྟ་ཞིག་མི་འབྱང་མི་སྲིད་དོ།། མ་དད་པ་དང་། མ་གུས་པ་དང་། དགེ་བའི་རྩ་བ་རྒྱུན་ཆད་པ་དང་།།
89b6 ལོག་སྤྱོད་རྣམས་ནི་དེར་མ་གཏོགས་སོ།། རིགས་ཀྱི་བུ་དག་ཤཱཀྱ་ཐུབ་པའི་སྐུ་འབུམ་ཕྲག་བརྒྱར་སྤྲུལ་པ་ཡང་། འཇིག་རྟེན་རེ་རེ་ན་སྟོན་པ་མཛད་ཅིང་བཞུགས་ཏེ། ཐ་མའི་སྐུ་ནི་ང་ཡིན་ནོ།། དེའི་ཚེ
89b7 དང་འགྲོགས་པའི་མི་སུམ་སྟོང་པོ་ཀུན་ད་ལྟར་སངས་རྒྱས་སུ་གྲུབ་སྟེ། སྟོང་དང་པོའི་གཙོ་བོ་ནི་སངས་རྒྱས་པད་མའི་འོད་ཅེས་བྱ།། སྟོང་བར་མའི་གཙོ་བོ་ནི་སངས་རྒྱས་རྡོ་རྗེ་སྐུ་ཞེས་བྱ། སྟོང་ཐ་མའི
iiif viewer powered by OpenSeadragon
